Ballon d'Or Afrik 2026 : Sadio Mané, Ismaïla Sarr e Pape Guèye njeyaa e cuɓaaɓe
Senegaal ena jogii ciyaarɓe tato e hakkunde ɓe cuɓaa ngam Ballon d'Or Afrik 2026. Sadio Mané, Ismaïla Sarr e Pape Guèye njeyaa e doggol nominés CAF Awards, ɗe sirla mum ɗaminaa waɗeede ñalawma 7 décembre garoowo e Lagos, Nigeria.
Sadio Mané ɗamini jaalangal tataɓal e taariki
Caggal nde o heɓi Ballon d'Or Afrik e 2019 e 2022, Sadio Mané ena waawi heɓde darnde ndee laawol tataɓol, tee o wona Senegaaljo aranɗo mo heɓi ɗum laabi tati.
Attaquant Al-Nassr oo maa ɓur El Hadj Diouf, mo heɓnoo Ballon d'Or Afrik e 2001 e 2002.
E ɗo maɓɓe, Ismaïla Sarr e Pape Guèye maa etu heɓde ndee darnde laawol aranɗol.
Ismaïla Sarr hollii mbaawka mum e Crystal Palace, tawa Pape Guèye darajinii hoore mum caggal nde o naatni gol gootol e finale CAN 2025.
Maroc kadi ena jogii ciyaarɓe tato
Yeddondiral ngam ndee darnde maa tiiɗu, ɓurɗum sabu ciyaarɓe Maroc tato : Achraf Hakimi, mo heɓi ndee darnde e édition ɓennuɗo, Brahim Díaz e Ismaël Saibari.
Ciyaarɓe goɗɓe ɓe njeyaa e cuɓaaɓe ko Amad Diallo mo Côte d'Ivoire, Yoane Wissa mo Congo, Antoine Semenyo mo Ghana e Teboho Mokoena mo Afrika Worgo.
E ciyaarɓe tato ɓe njeyaa e ndee compétition, Senegaal ena jogii fartaŋkeji ngam artude e darnde ɓurnde toowde e nder distinctionaji ciyaarɓe football Afrik.
Mo lomtotoo Achraf Hakimi maa anndire e sirla CAF Awards 2026, nde ɗaminaa waɗeede e Lagos ñalawma 7 décembre.
Fouta TV - L'information au service des citoyens.
