JOJ Dakar 2026 : Matar Diop heɓii medaay aranɗo Senegaal e judo
Senegaal heɓii medaay mum aranɗo e Jeux olympiques de la jeunesse (JOJ) Dakar 2026. Judoka Matar Diop heɓii medaay bronze e kategori ɓe njogii kilo ko jaasi 66 kg, caggal nde o jaalii Faransanke Nathan Gbingbehi e haɓre ngam darnde tataɓere.
Laawol mum e compétition waɗii e artugol semmbe
Matar Diop fuɗɗinoo compétition oo e jaalangal yeeso Peruvien Yesus Perea Vallve, e huitièmes de finale.
Kono, e quarts de finale, Ukrainien Khazar Heydarov jaalii mo, ko waɗi o naati e repêchages ngam heɓde fartaŋke artugol e podium.
Senegaaljo oo hollii muñal e semmbe, tawa o jaalii Jamaïcain Larone Gow, ɗum udditani mo laawol haɓre sakkitiinde yeeso Faransanke oo.
Medaay aranɗo ngam delegasioŋ Senegaal
Ndee medaay bronze ko aranɗere nde Senegaal heɓi e JOJ Dakar 2026, joowe ɗe mbaɗetee laawol aranɗol e taariki e leydi Afrik.
Nde hollii kadi muñal e semmbe sukaa judoka oo, mo waawii artude e jaalangal caggal nde o yaltaa e quarts de finale.
E ndee njuɓɓudi, Matar Diop waɗii Senegaal e podium laawol aranɗol, tawa o udditii laawol medaayji goɗɗi ngam delegasioŋ Senegaal.
Fouta TV - L'information au service des citoyens.
