Senegaal : Ismaïla Jakobs humpitii dartugol mum e ekip nasional, tee o salminii Lions
Futbolist Senegaal, Ismaïla Jakobs, humpitii ñalawma alarba 28 octobre 2026 wonde o dartinii yantugol mum e ekip nasional Senegaal. E ɓataake mo o siirtini e Instagram, défenseur Galatasaray oo yettii Lions, supporters e leydi baaba mum, Senegaal.
Laawol football ngal heewi weltaare e yettugol
Ismaïla Jakobs wi'i : « Mi naatii e ekip nasional tawa mi suka, tee miɗo yalta e mum hannde tawa mi wonii mawɗo. »
Jakobs, mo jibinaa e Allemagne, siftinii no Senegaal jaɓɓirnoo mo e weltaare, e jokkondiral tiiɗngal ngal o waɗi e futbolistɓe ekip mum, supporters e aadaaji Senegaal.
O hollii wonde o hokkii semmbe mum fof e maillot Senegaal, woni e matchji weltaare, kwalifikasioŋaji, Coupe d'Afrique des nations e Coupe du monde.
Fuɗɗugol laawol kesol e club e musiɓɓe
Futbolist Galatasaray oo laaɓtinii wonde o yiɗi jooni ɓur hokku hakkille e golle mum e club, e ɓeydude sahaa mo o waɗata e musiɓɓe mum.
Hay so o yaltanii ekip nasional, Jakobs hollii wonde yiɗde nde o jogani Senegaal maa heddo haa sahaa kala.
O ɗamini kadi jokkude wallude yeesoɓtere leydi, hay e golle ɗe njeyaa e yaasi football.
O winndi : « Senegaal, a hokkii kam fartaŋke ngam mi heɓa ɗaminaaji am. Ngam ɗum, mi maa yetto maa haa badaa. »
Ismaïla Jakobs udditii ɗoo hello mawngo e nguurndam mum e ekip nasional Senegaal, tawa o salminii supporters e ɗee haalaaji sakkitiiɗi : « Jërëjëf pour tout. Senegal Rek ! »
Fouta TV - L'information au service des citoyens.
