Ballon d'Or 2020 : Caggal duuɓi jeegom, Lewandowski yejjitaani tawo medaay mo o heɓaano
Haɗugol Ballon d'Or 2020 waɗeede ko huunde nde Robert Lewandowski yejjitaani tawo. Caggal duuɓi jeegom, Pascal Ferré, ancien hooreejo France Football, hollii wonde attaquant Polonais oo ena siftina mo sahaa kala nde ɓe kawri, e dow ndee édition nde o waawnoo heɓde ndee darnde mawnde.
Cuɓaande nde Lewandowski faamaani
E jeewte ɗe o waɗi e media Le Vestiaire, Pascal Ferré laaɓtinii daliiluji haɗugol Ballon d'Or 2020 waɗeede, e sahaa nde nyaw Covid-19 saakinoo e aduna.
O wi'i : « Min miijinoo wonde sarɗiiji fof timmaani e ndee hitaande, ɓurɗum e fannu peewal hakkunde ciyaarɓe. »
Ancien hooreejo France Football oo hollii wonde ko kanko noddinoo Lewandowski ngam humpitinde mo ndee cuɓaande, e sahaa nde attaquant Bayern Munich oo jogoranoo no mo ɓurɗo heɓde Ballon d'Or.
E ko o holli, Lewandowski jaɓaani ndee humpitoore no newiri. Gila ɗoon, so ɓe kawrii, o ena sikkiraa wonde o wi'a mo : « Ahaa, ɗoo ko gorko mo yiɗaano hokku-mi Ballon d'Or. »
Hitaande mawnde nde o heɓaani Ballon d'Or
E saison 2019-2020, Robert Lewandowski jaalii Ligue des champions, Bundesliga e Coupe d'Allemagne wondude e Bayern Munich.
O naatnii golji 55 e matchji 47, tee o waɗii passes décisives 10. O timmini kadi no ɓurɗo naatnude golji e championnat Allemagne e Ligue des champions.
Ɗee njuɓɓudi mbaɗinoo mo favori mawɗo ngam Ballon d'Or, hade édition 2020 haɗeede.
E 2021, Lewandowski timmini e darnde ɗiɗaɓere, caggal Lionel Messi. Kono ndee darnde daraja ena wayi no nde waawaaki momtude siftorde 2020 e hakkille mum.
Fouta TV - L'information au service des citoyens.
