Senegaal : APR noddii opposision ngam renndude doole yeeso laamu Pastef
Alliance pour la République (APR), parti mo hooreejo leydi ɓennuɗo Macky Sall ɗowi, noddii partiiji opposision e doole renndo ngam ɓe renndu yeeso laamu Pastef. Ndee noddingol waɗii ñalawma alarba 28 octobre 2026, e conférence de presse jowitiiɗo e ngonka politik, ekonomi e renndo Senegaal.
APR yeddii ɗowgol laamu hannde
E deklarasioŋ mo Abdou Khafor Touré janngi, parti APR yeddii no gouvernement hannde ɗowirta leydi, tawa o inniri ɗum « fallitere timmunde laamu Pastef ».
Fedde ndee haaltii e dow ustugol semmbe ceede yimɓe, caɗeele entrepriseji e yeddondiral hakkunde hooreeɓe laamu.
E miijo APR, ndee ngonka ena sokli renndugol doole ngam reende tabitde instituusioŋaji e heblude laawol politik kesol.
Gollondiral opposision ngam cuɓagol 2029
Parti Macky Sall ena yiɗi renndinde feddeji opposision ngam mahde alternatif politik yeeso cuɓagol hooreejo leydi e hitaande 2029.
APR yettii kadi darnde hooreeɓe politik yoga, ɗoon e Idrissa Seck, hooreejo parti Rewmi.
E fannu goɗɗo, APR hollii wonde o ena jokka hesɗitinde njuɓɓudi mum, tuggaade e doole mum e nokkuuje, eksperiyaans ɗe o heɓi e laamu e porogaraam politik keso.
Ndee noddingol ari e sahaa nde opposision Senegaal ena hesɗitina njuɓɓudi mum. Kono, heɓugol renndugol ngal maa faw e no partiiji ceertuɗi ɗii mbaawirta nanondirde e strateji gooto.
Fouta TV - L'information au service des citoyens.
