Premier League : Chelsea jaalii Manchester United (2-0), Red Devils ena njokka e caɗeele mawɗe
Manchester United ena jokka heɓde caɗeele e Premier League. Ñalawma asewe 31 octobre 2026, Red Devils perdii e yeeso Chelsea (2-0) e Stamford Bridge, e ñalawma 9ɓere championnat Angleterre. Ndee perdingol hesere ɓeydii caɗeele entraîneur Michael Carrick, tee nde ɓadii ekip mum e nokkuuje relegasioŋ.
Rogers e Palmer kokkii Chelsea jaalangal
Caggal mi-temps aranɗo mo ekipji ɗiɗi ɗii keɓi fartaŋkeji gole, Chelsea waɗii feere e mi-temps ɗiɗaɓo.
Morgan Rogers udditii gole e minit 50, caggal nde o ɓenni défense Manchester United.
Caɗeele Manchester United ɓeydii nde Lisandro Martinez heɓi carton rouge e minit 63, caggal faute mo o waɗi e Wesley Fofana e nder surface de réparation.
Cole Palmer waɗii penalty e minit 64, ɗum waɗi haa Chelsea ɓeydii gole mum e tabitinii jaalangal (2-0).
Manchester United ɓadii nokku relegasioŋ
E ndee perdingol, Red Devils ngoni e darnde 16ɓere e classement, tawa ɓe njogii pointji 7 e matchji 9, point gooto tan yeeso nokku relegasioŋ.
Manchester United heɓaani jaalangal e matchji championship jeeɗiɗi sakkitiiɗi, ɗum ɓeydii tiiɗugol caɗeele e dow Michael Carrick.
E fannu goɗɗo, Chelsea ɓeydiima haa darnde nayaɓere e pointji 16, tawa o ɓadii ekipji ɗi ngoni yeeso classement.
E hakkunde perdingol keewngol e caɗeele gollondiral ekip, Manchester United ena rewata e sahaa tiiɗɗo. Hooreeɓe club oo poti heɓde safaaraaji e jaawngol ngam haɗde ndee ngonka bonnude saison mum.
Fouta TV - L'information au service des citoyens.
