Police e Gendarmerie : Convocationaji ɗi binndaa « Affaire vous concernant » maa dartine
Ministre de la Justice, Me Moussa Sarr, yiɗi dartinde convocationaji sara'a ɗi daliiluji maɓɓe laaɓtinaaka. E circulaire mo o siirtini ñalawma 3 novembre 2026, o yamirii procureurs généraux ngam ɓe ƴeewto wonde yimɓe ɓe police walla gendarmerie noddata njokka humpitireede ko waɗi ɓe noddaa.
Convocationaji maa ɓur laaɓde
Konngol « Affaire vous concernant », ngol huutortee heen e convocationaji, maa dartine jooni.
E ko ministre oo holli, ndee aada ena acca yimɓe ɓe noddaa e nder sikkiiji, tawa ɓe mbaawaa heblaade hoore maɓɓe no moƴƴiri ngam naamnugol.
Gila jooni, officiers e agents de police judiciaire poti binndude e convocation ko haala ndee woni, ko neɗɗo oo tuumiraa walla ko bonannde nde ƴeewtagol njowitii.
So neɗɗo noddaama no seedeejo walla mo bonannde heɓi, ɗum kadi foti laaɓtineede e ɗerewol ngol.
Feere ngam semmbinde hakkeeji yimɓe e sara'a
Me Moussa Sarr tuggii ndee cuɓaande e hakkeeji ɗi article 9 Constitution Senegaal e article 7 Charte africaine des droits de l'homme et des peuples ndaranii.
Faandaare ko wallude yimɓe ɓe noddaa ngam ɓe heblo naamnugol maɓɓe, mooɓa ɗereeji ɗi ɓe sokli, tee so ɓe yiɗii, ɓe mbaawa ɗaɓɓude ballal avocat.
Kono, ministre oo laaɓtinii wonde ndee yamiroore hesere bonnataa suuɗnde ƴeewtagol. Ƴeewtooɓe yamiraaka hollude seedeeji walla humpitooji suuɗɗi ɗi ɓe heɓi e golle maɓɓe.
Procureurs généraux ɓe ngoni e cours d'appel maa toppito huutoraade ndee circulaire e humpitinde caɗeele ɗe mbaawi waɗde.
Fouta TV - L'information au service des citoyens.
