#Ethiopie

Eritrea ɗaɓɓitii e Conseil de sécurité mo ONU ngam o fel « kollital haɓre » ngal Ethiopie waɗi, hono no Eritrea wi'iri.

Ñalawma nde adii, Ethiopie tuumii Eritrea e ko nde noddiri « yaltugol e dow leydi mum e bonannde laaɓnde ». Eritrea, nde neldi konu mum e diiwaanji rewo Ethiopie e nder ɗee balɗe cakkitiiɗe, waɗii haa haala hakkunde ɗee leydiiji ɗiɗi ɓeydaama tiiɗdeede. Ɗee leydiiji ɗiɗi ɗi ko koddiiɗi, ngoni jooni e yeddondiral mawngal, tawa kala leydi ena tuuma ngoɗɗa. Ndeen noon, ɗee haalaaji caɗɗiiɗi e tuume ɗe ɓe mbaylondirta ngoni e ɓeydude hulɓinaare wonde haɓre laaɓnde waawi fuɗɗude hakkunde Ethiopie e Eritrea.