#RTS
2 binndi jokkondirɗi e ngol konngol.
Binndi - RTS
Senegaal : Gouvernement fodiima wallude mediaaji e laawol juutngol, e moƴƴinde sarɗiiji golle jurnaliisɓe
Premier ministre Senegaal, Ahmadou Alhaminou M. Lô, ɗowii ñalawma juma 16 octobre 2026 dental mawngal e jeyaaɓe sektor mediaaji. Ndee dental waɗaama e tawde Minis Communication et des Relations avec les Institutions, Dr Bacary Sarr, ena woodi e mum. Nde hokkii fartaŋke ngam ƴeewtaade caɗeele ekonomi ɗe entrepriseji mediaaji ngoni e heɓde, sarɗiiji golle jurnaliisɓe e hesɗintine ɗe soklaa ngam yeesoɓtinde sektor mediaaji Senegaal. Hooreejo Gouvernement oo tabitinii yiɗde laamu ngam wallude mediaaji e laawol juutngol.
Sattunde entreprise RTS : Premier ministre Ahmadou Alhaminou Lo felii fodiiji ceede ɗi Racine Talla waɗnoo
Yeddondiral ngal waɗi e dow sattunde entreprise Radiodiffusion télévision sénégalaise (RTS) ena jokka e umminde haalaaji e Senegaal. E sahaa dental nde o waɗi e bakkaɗɓe feddeji sindikaa e hooreeɓe entrepriseji, Premier ministre Ahmadou Alhaminou Lo felii no feewi fodiiji ceede ɗi directeur général RTS ɓennuɗo, Racine Talla, waɗnoo. E ko hooreejo Gouvernement oo wi'i, ndee sattunde siifaa tawa entreprise laamu ngal alaano ceede ɗe mbaawi timminde ko fodaama. O hollii wonde ndee ngonka ena addude caɗeele mawɗe e fannu toppitagol ceede laamu.