
Port Ndayane, réseau gazier e JOJ : Faandaaji ɗi Premier ministre Ahmadou Alhaminou Lô holli
Premier ministre Ahmadou Alhaminou Lô hokkii laamu ɗowirɗe keewɗe e Conseil des ministres ñalawma alarba 18 novembre 2026. Reende e naftoraade ndonu Jeux olympiques de la jeunesse (JOJ) Dakar 2026, tabitinde investismaaji port Ndayane e réseau gazier nasional, wondude e reende siftorgol Tirailleurs sénégalais, wonii e hakkunde haalaaji mawɗi ɗi o waɗi.
JOJ Dakar 2026 : Waylude njaltudi Joowe e fartaŋkeji golle
Caggal nde o yetti no Joowe ɗee waɗiri, hooreejo laamu oo teeŋtinii nafoore reende njaltudi maaje e fannu ekonomi e renndo.
Porogaraam « JOJ Impact-Héritage », mo naatnaa e Agenda national de transformation Sénégal 2050, maa faandii sosde golle e yeesoɓtinde golle ekonomi e fannuuji sport, tourisme e industries culturelles.
Ahmadou Alhaminou Lô ɗaɓɓitii kadi huutoraade humpitooji volontaires ngam newnude heɓugol maɓɓe formation, stageji, service civique e fartaŋkeji entreprenariat.
Feere toppitaade porogaraam oo ena heblaa. Haa ndee timma, ministres ɓe njowitii yamiraama ngam ɓe reenu infrastruktuurji e kuutorɗe ɗe JOJ ɗee acci.
Ndayane e réseau gazier : Tabitinde finans
E dow port multifonctions Ndayane, Premier ministre ɗaɓɓitii tabitinde ceede ɗe soklaa ngam yoɓde kompansasioŋ yimɓe ɓe porojee oo njowitii e heɓde leydi ndi soklaa ngam golle ɗee.
O teeŋtinii kadi nafoore jokkondinde port oo e réseau elektrik Senelec, tawa golle ɗee poti yahdude e porogaraam ƴeewtagol kuutorɗe mo eɓɓaa e 2027.
Ngam Réseau gazier du Sénégal, faandaaji mawɗi ko mooɓde finans, teddinde sahaa timmingol golle e toppitaade njaltudi porojee oo e dow taariindi e nguurndam yimɓe.
Thiaroye 1944 : Yaawtinde porojeeji siftorgol
Hooreejo laamu oo jeewtii kadi heblaade hitaande 82aɓere siftorgol massacre Tirailleurs sénégalais, mo eɓɓaa ñalawma 1er décembre 2026.
O yamirii ministres ɓe njowitii ngam ɓe yaawtinu peewnugol Mémorial national, Centre de documentation et de recherche, wondude e Conseil national de la Mémoire et de la Gestion du Patrimoine historique.
Fouta TV - L'information au service des citoyens.







