
Ñalngu Forces armées : Diomaye Faye tabitinii anniya mum ngam hesɗitinde Armée Senegaal
President de la République, Bassirou Diomaye Faye, maa ɗow kabaaru Journée des Forces armées ñalawma alhamiis 19 novembre 2026, e quartier Dial Diop e Dakar. Hade ndee ñalngu, hooreejo leydi oo tabitinii alkawal mum ngam moƴƴinde ngonka nguurndam militaarɓe e jokkude hesɗitinde kuutorɗe reende leydi e kisal.
Gollondiral militaar e diiwaanu teddinaama
Ndee édition maa waɗe e tiitoonde « Forces armées, vecteurs de l'intégration sous-régionale et de la sécurité collective ».
Ndee tiitoonde ena holli nafoore gollondiral militaar e Afrik Hirrnaange, e sahaa nde kulol kisal ena jokka, tawa sokla semmbinde doole reende diiwaanu ena ɓeyda.
E Conseil des ministres ñalawma alarba 18 novembre, Bassirou Diomaye Faye yettii ganndal golle e anniya Forces armées Senegaal e reende leydi ndii, wondude e ballal maɓɓe ngam jam e kisal diiwaanu.
Moƴƴinde ngonka militaarɓe e semmbinde kuutorɗe
No o woniri chef suprême des Armées, president de la République tabitinii anniya mum ngam jokkude investismaaji ɗi faandii hesɗitinde Forces de défense et de sécurité.
Faandaaji ɗi o holli njowitii ɓurɗum e moƴƴinde ngonka nguurndam militaarɓe, semmbinde kuutorɗe operasioŋaji e yahdinde ekipmaaji e caɗeele kese kisal e teknoloji.
Ndee feere waɗii e sahaa nde leɗɗe Afrik Hirrnaange ena ɗaɓɓa semmbinde gollondiral maɓɓe ngam haɓde e kulol kisal ngal rewata hakkunde leɗɗe e reende kisal renndingal.
Fouta TV - L'information au service des citoyens.






