#DIPA

Senegaal : Compagnie sucrière sénégalaise e nder caɗeele sabu ton 41 000 sukkar ɗe njeeyaaka, gollotooɓe noddii laamu ngam wallude

E sahaa nde jonte seeɗe tan heddii hade fuɗɗagol campagne sucrière 2026-2027, Compagnie sucrière sénégalaise (CSS) ena heɓa caɗeele mawɗe e fannu julaagu. E ko Collectif des syndicats entreprise ngal humpitiri, ena woodi ɓadii ton 41 000 sukkar ɗe njeeyaaka tawo. E nder dental nde ɓe mbaɗi e leeralji kabaruuji, bakkaɗɓe gollotooɓe yeddii naatugol sukkar jananɗam keewɗam e nder luumo Senegaal. Ɓe reentinii kadi e dow bonanɗe ekonomi e renndo ɗe ndee ngonka waawi addude. Ɓe noddii hooreeɓe laamu Senegaal ngam ɓe naata e yaawde, ngam reenude industria sukkar leydi e golle yimɓe.