Mobile Money : BCEAO waɗii sarɗiiji kesɗi, ɗee ko bayle ɗe kuutorooɓe poti anndude

Kuutorooɓe kaaltii caɗeele e neldondiral ceede

E ko ñalnde L'Observateur humpitiri, kuutorooɓe yoga heɓii caɗeele e golle maɓɓe, ɓurɗum e neldondiral ceede hakkunde kont bankiiji e Orange Money, Wave walla Flash.

Yoga e maɓɓe kaaltii transaksiŋaji ɗi timmaani e ŋakkere humpitooji e dow bayle ɗee.

Sarɗiiji kesɗi ɗii ena yamira jooni yo neldondiral ceede elektroniki hakkunde operateurɓe rew e Plateforme interopérable du système de paiement instantané (PI-SPI).

Neldondiral ceede haa 8 000 FCFA e ñalawma ko caahu

Ngam kuutorooɓe Mobile Money, sarɗiiji kesɗi ɗii ena waɗi neldondiral ceede e nder leydi ko caahu, so ceede ɗe neldiraa e ñalawma ɓuraani 8 000 FCFA, e kala kuutoroowo e kala prestataire.

So ceede ɗee ɓurii ndee limre, operateurɓe ena mbaawi ƴettude frais ɗi ɓurataa 0,8 % e ceede ɗe neldiraa. Jaɓugol ceede ena heddii ko caahu.

Baylugol goɗngol ko wonde limre ceede ɗe neɗɗo waawi jogude e kont Mobile Money mo anndaa ummii e milioŋ 2 haa milioŋ 4 FCFA.

Plateforme nde huutortee jemma e ñalawma

PI-SPI ena walla neldondiral ceede hakkunde instituusioŋaji finans ceertuɗi, hay so neldoowo e jaɓoowo kuutortaako operateur gooto.

E ko ekonomist Souleymane Astou Diagne holli e L'Observateur, ndee infrastruktuur ena wayi no « laawol mawngol ngal fof kuutortoo ngam neldondiral ceede e jaawngol » e UEMOA.

Nde ena huutortee waktuuji 24 e ñalawma, ngam newnude transaksiŋaji e ustude sahaa neldondiral ceede.

Ngam operateurɓe Mobile Money, ndee hesɗitingol ena waawi waylude no ɓe ngollirta e ekonomi, tawa nde ena waɗa ɓe ɓeyda sarwiisji goɗɗi ɓaawo neldondiral ceede tan.

Fouta TV - L'information au service des citoyens.