Senegaal : Porogaraam nasional ngam hisnude mbarooɗi e léopardɓe ɓe ngoni e kulol majjude

Niokolo-Koba, nokku cakkitiiɗo ɗo mbarooɗi Senegaal ngoni

Parc national du Niokolo-Koba e nokkuuje ɗe njowitii e makko ko gooto e nokkuuje cakkitiiɗe ɗo mbarooɗi Afrik Hirrnaange ngoni.

Ɗee kulli ena pottotoo e caɗeele keewɗe, hono ñaamgol kulli e laawol ngal yamiraaka, ŋakkere ko ɗi mbaawi ñaamde, yeddondiral e ngaynaakooɓe e bonnugol nokkuuje ɗo ɗi nguurata.

Kawrital ngal Direction des Parcs nationaux e ONG Panthera eɓɓi e Dakar wallii ngam ƴeewtude ɗee caɗeele e peewnude feereji araniiɗi kisal.

E miijo colonel Ibrahima Gueye, directeur des Parcs nationaux, ndee eɓɓoore maa wallu e timminde Plan national d'action pour la biodiversité 2026-2030 e alkawuuji internasional Senegaal.

Jaaygol ɓoggi e geɗe kulli ko kulol mawngol

Colonel Ibrahima Ndao, conservateur Parc national du Niokolo-Koba, reentinii e dow jaaygol ɓoggi e geɗe ɗe iwata e mbarooɗi e léopardɓe.

E ko limgal ɗe addaa holli, geɗe ɗe iwata e ɗee kulli yiytaama e marseji 48 e departementaji 27 e Senegaal e hitaande 2024.

O ɗaɓɓitii semmbinde haɓre e ñaamgol kulli e laawol ngal yamiraaka, moƴƴinde rewindaade geɗe ɗe njeyaa e ɗee kulli e ɓeydude humpitinde renndooji.

Laawol nasional n°7 ena addana kadi kulol kulli

Accidentaji otooji ena ngoni kadi e hakkunde caɗeele ɗe kulli Niokolo-Koba pottotoo e majje.

Hakkunde 2010 e 2026, accidentaji e RN7 ena sikkitaa addii maayde léopardɓe jeegom, hyèneji jeeɗiɗi, lycaonɓe nayo, antilopeji 16, phacochèreji 11 e buffleji ɗiɗi.

Porogaraam nasional mo eɓɓaa oo maa ɗaɓɓu feereji ngam ustude ɗee maayɗe, reende nokkuuje nguurndam kulli e moƴƴinde jokkondiral hakkunde hoɗɓe sara parc, jawdi maɓɓe e kulli ladde.

Fouta TV - L'information au service des citoyens.