Mondial U17 : Souleymane « Commissaire » Faye alaa e limgal Lionceaux 21 ɓe cuɓaa ngam Qatar
Entraîneur ekip nasional U17 Senegaal, Lamine Sané, suɓii mbapatooɓe 21 ngam Coupe du monde nde eɓɓaa hakkunde 19 novembre e 13 décembre 2026 e Qatar. E hakkunde ɓe cuɓaaka, ena woodi Souleymane « Commissaire » Faye, gooto e mbapatooɓe ɓe ɓuri hollude mbaawka e tournoi UFOA-A ɓennuɗo.
Ŋakkere mum caggal golle moƴƴe e UFOA-A
Mbapatoowo milieu offensif oo waɗnoo golaji tati e tournoi diiwaanu mo waɗaa e lewru septembre, tee o wallii Lionceaux ngam ɓe njotta finale.
Senegaal jaalaama e yeeso Gambie caggal tirs au but.
Hay so o hollinoo mbaawka mum, Souleymane Faye noddaaka e regroupementaji cakkitiiɗi ɗi ekip nasional waɗi ngam heblaade compétition.
Ŋakkere mum e limgal sakkitiingal ngal FIFA yaltini tabitinii wonde o naatataa e ndee édition Mondial. Kono, daliiluji ɗi waɗi o cuɓaaka humpitinaaka e laawol resmi.
Senegaal ena woni e groupe F
E Qatar, Lionceaux maa ngonu e groupe F, wondude e Croatie, Cuba e Tadjikistan.
Lamine Sané maa naat e ndee compétition e mbapatooɓe 21, tawa Souleymane « Commissaire » Faye, mo hollinoo mbaawka mum e tournoi UFOA-A, alaa e hakkunde maɓɓe.
Fouta TV - L'information au service des citoyens.
