JOJ Dakar 2026 : Ameth Diop naatii demi-finale taekwondo, tee o tabitinii medaay ngam Senegaal
Taekwondo Senegaal ena jokka hollude mbaawka mum e Jeux olympiques de la jeunesse (JOJ) Dakar 2026. Ameth Diop heɓii naatde demi-finales caggal foolde Saoudien Fawaz Almasaari e round ɗiɗi (2-0). E ko sarɗiiji tournoi oo kolli, ndee foolaare tabitinii wonde o heɓata hay so ko medaay bronze.
Foolaare moƴƴere e dow Saoudien
Mbapatoowo taekwondo Senegaal oo heɓii yeesoore gila round aranol, mo o fooli e limgal 12-9.
E yeeso gañɗo mo eɓɓanoo artude e haɓre, Ameth Diop jogii semmbe mum e round ɗiɗaɓol, mo o fooli 22-18.
Ndee foolaare waɗii o jokkiri yahdu mum e compétition oo, tawa o ena heddii e hakkunde ɓe ɗaɓɓata medaay or.
Medaay hesere ena ɗaminaa ngam Senegaal
Caggal foolaare Marie Sarr, mo heɓi medaay or e kategori les 55 kg, e Aïda Touré, mo heɓi medaay bronze e kategori les 63 kg, Ameth Diop tabitinii yahdu moƴƴo taekwondo Senegaal e ndee compétition.
O foti jooni foolde e demi-finale ngam heɓde nokku e finale, tee o jokku ɗaɓɓude medaay or e yeeso yimɓe mum.
Fouta TV - L'information au service des citoyens.
