JOJ Dakar 2026 : Lionceaux e Lioncelles beach handball naatii demi-finales
Senegaal waawii naatnude ekipaji mum ɗiɗi beach handball e demi-finales Jeux olympiques de la jeunesse (JOJ) Dakar 2026. Ñalawma alarba 11 novembre e Saly, Lionceaux foolii Thaïlande (2-0), tawa Lioncelles foolii Croatie e limgal gootal. Ekipaji ɗiɗi ɗii maa ɗaɓɓu nokku e finale ñalawma alhamiis.
Lionceaux foolii Thaïlande caggal haɓre tiiɗnde
Ekip worɓe Senegaal tampii ngam heɓde naatde demi-finales. E yeeso ekip Thaïlande mo semmbe, Lionceaux foolii manche aranol e caɗeele (20-19), hade ɓe ɓeydude ceertal e manche ɗiɗaɓol (20-16).
Ndee foolaare ena tabitina artugol maɓɓe e semmbe, caggal foolde Hongrie (2-1), jaalaade e yeeso Brésil (1-2), e foolde Porto Rico (2-0).
Lioncelles foolii Croatie
E bannge rewɓe, ekip Senegaal ɗowii haɓre mum e quarts de finale e yeeso Croatie.
Caggal foolde manche aranol (24-20), Lioncelles ɓeydii ceertal e manche ɗiɗaɓol (30-16), tee ɓe keɓii naatde demi-finales tawa alaa sokla tirs décisifs.
Demi-finales ɗiɗi maa mbaɗe alhamiis
Tawa delegasioŋ Senegaal heɓii medaayaji jeenay tawo, ekipaji ɗiɗi beach handball ena mbaawi ɓeydude limgal medaayaji leydi ndii.
Lionceaux e Lioncelles maa artu e teren Saly ñalawma alhamiis 12 novembre, ngam eto heɓde nokku maɓɓe e finales olympiques.
Fouta TV - L'information au service des citoyens.
