Emigrasioŋ ngal yamiraaka : Marine nationale Senegaal hisnii yimɓe 759 e maayo
Marine nationale Senegaal wallii yimɓe 759 ɓe eɓɓanoo yahde e emigrasioŋ ngal yamiraaka, ñalawma talaata 10 novembre 2026, e operasioŋ kisindam e maayo. Unitéji ɗiɗi Marine naatii hakkunde ngam wallude yimɓe ɓe ngoonnoo e gaali nay, e ko Marine nationale humpitiri ñalawma alarba.
Gaali nay keɓii ballal
Unitéji ɗiɗi ɗi noddaama ɗii wallii yimɓe ɓe ngoonnoo e gaali nay sara tefes maayo Senegaal.
Ndee operasioŋ ena jeyaa e golle Marine nationale ngam ƴeewtude kisal maayo e hisnude nguurndam yimɓe ɓe ngoni e kulol, tawa etagol emigrasioŋ ngal yamiraaka ena jokka e laabi Atlantik.
Haa jooni, humpitooji goɗɗi e dow leɗɗe ɗe yimɓe ɓe hisnaa ummii walla nokku ɗo ɓe eɓɓanoo yahde siirtinaaka tawo.
Yimɓe goɗɓe 817 hisnaama e yontere ɓennunde
E communiqué mo nde yaltini 11 novembre, Marine nationale hollii kadi wonde yimɓe 817 keɓii ballal e yontere ɓennunde.
Ɗee operasioŋaji mbaɗiraa e gollondiral unitéji Marine e ekipaji kisal ɗi ngoni e nokkuuje sara maayo.
Marine nationale tabitinii anniya mum ngam jokkude golle haɗde bonanɗe ɗe njokkondiri e yahdu emigrasioŋ e maayo, e wallude kala neɗɗo mo woni e kulol.
Fouta TV - L'information au service des citoyens.
