Sénégal-Soudan : Patrick Vieira hollii liste ciyaarɓe tawa Sadio Mané e Gana Gueye ngalaa, Cleyton Diandy naatii
Entraîneur ekip nasional Senegaal, Patrick Vieira, hollii ñalawma alhamiis 5 novembre 2026 doggol ciyaarɓe 24 ɓe o suɓii ngam yantidude e Soudan laabi ɗiɗi e éliminatoires Coupe d'Afrique des nations (CAN) 2027. Sadio Mané e Idrissa Gana Gueye ngalaa e liste oo, tawa Cleyton Diandy e Pathé Mboup noddaama.
Ŋakkere ciyaarɓe mawɓe e naatugol hesɓe
Sadio Mané, mo tawaano e renndugol ekip oo ɓennungol, noddaaka kadi e ndee liste. Idrissa Gana Gueye, mo tawnoo e renndugol sakkitiingol, alaa kadi e doggol ciyaarɓe.
Patrick Vieira noddii Cleyton Diandy, mo ciyaata e Al Diriyah, e Pathé Mboup, ailier Stade Brestois.
Krépin Diatta arti kadi e ekip nasional caggal nde o siifi contrat e Watford.
Doggol ciyaarɓe 24 ɓe noddaa
Gardieeɓe : Yehvann Diouf, Mory Diaw, Mamour Ndiaye.
Défenseurɓe : Moussa Niakhaté, Kalidou Koulibaly, Malang Sarr, El Hadji Malick Diouf, Nobel Mendy, Sadibou Sané, Krépin Diatta, Lamine Sy.
Milieuɓe : Pape Gueye, Pape Demba Diop, Lamine Camara, Pape Matar Sarr, Dion Lopy.
Attaquantɓe : Iliman Ndiaye, Nicolas Jackson, Cleyton Diandy, Pathé Mboup, Boulaye Dia, Issa Soumaré, Ibrahim Mbaye, Paul Mendy.
Matchji ɗiɗi yeeso Soudan
Lions Senegaal maa jaɓɓu Soudan ñalawma 12 novembre e Dakar, hade ɓe yahde e match retour ñalawma 16 novembre e leydi adversaire maɓɓe.
Ɗee matchji, ɗi njeyaa e ñalɗi tataɓi e nayaɓi éliminatoires CAN 2027, maa ngonu fartaŋke ngam Patrick Vieira jokkude golle mum e ekip nde ciyaarɓe yoga waylaa.
Fouta TV - L'information au service des citoyens.
