JOJ Dakar 2026 : Jaxaay jaɓɓii Quartier général des Jeux territorialisés
Komiin Jaxaay-Parcelles jaɓɓii gila ñalawma talaata 3 novembre 2026 Quartier général des Jeux olympiques de la jeunesse (JOJ) territorialisés. Nokku oo, mo waɗaa e teren sport Unité 9, ena hebli golle sport e aadaaji e nder ko ɓadii yonte ɗiɗi, ngam ɓadnude JOJ e yimɓe banlieue Dakar.
Atletɓe sukaaɓe ɓurɓe 650 naatii e joowe
Ndee golle, nde Agence de développement municipal (ADM) e Comité d'organisation des Jeux olympiques de la jeunesse (COJOJ) ɗowi, ena jeyaa e porogaraam mo waɗetee e komiinji 13 e departemaaɓe Pikine, Guédiawaye, Keur Massar e Rufisque.
Atletɓe ɓurɓe 650 ena naata e compétitionaji fannuuji sport sappo, ɗoon e football, basketball, lamb aada, cyclisme e arts martiaux.
E Jaxaay, porogaraam oo ena jogii tournoi football worɓe e rewɓe, hollugol ciyaare sport, pétanque, ciyaare hakkille e sirlaaji aadaaji ñalawma kala.
Ɓur milyaar 2,2 FCFA investiraama e infrastruktuurji
Gollondiral hakkunde ADM e COJOJ, ngal waɗaa e mai 2026, ena eɓɓii kadi mahde kuutorɗe sport e nokkuuje renndo.
E ballal Banque mondiale e Fonds nordique de développement, porogaraam oo ena huutora ɓur milyaar 2,2 FCFA ngam mahde terenji football synthétique jeegom, terenji multifonctionnels ɗiɗi, laabi sport e nokkuuje ɗi peewnaa.
Infrastruktuurji Dalifort e Keur Massar Nord udditaama kisa.
Ndonu sport ngam komiinji
Toppitagol ɗee kuutorɗe ena renndina komiinji, feddeji sport e sarwiisji janngugol, rewde e komiteeji nokkuuje.
Expositionaji e dow porogaraamji ADM e hawrondiral e mediaaji ena eɓɓaa kadi e Quartier général Jaxaay.
Faandaare ko hokku sukaaɓe komiinji ɗii fartaŋke ngam ɓe njokku yantugol e sport, tee ɓe heɓa nafoore infrastruktuurji ɗii hay caggal timmugol JOJ Dakar 2026.
Fouta TV - L'information au service des citoyens.
