Midterms 2026 e États-Unis : Démocrates artii e ɗowgol Congrès, Trump heɓii jaalangal bonngal
Cuɓagol mi-mandat États-Unis, ngal waɗaa ñalawma 3 novembre 2026, waylii semmbe politik e Washington. Démocrates heɓtii majorité e Chambre des représentants e Sénat, tawa Donald Trump majjii majorité parlementaire mum. E ƴeewtagol mum, Dr Seydou Kanté laaɓtinii daliiluji yeddagol Républicains e ko ɗum waawi addude e laamu Trump.
Démocrates njaltii hay e nokkuuje Républicains
E ko njuɓɓudi ɗi tabitinaaka tawo kolli ñalawma alarba 4 novembre, Démocrates heɓii ko famɗi sièges 228 e Chambre des représentants e 54 e Sénat, so limii indépendants ɓe njokkondiri e maɓɓe.
Jaalangal maɓɓe yahii hay e nokkuuje ɗi Républicains ɓuri semmbe. E Texas, James Talarico heɓii darnde sénateur, tawa Gina Hinojosa jaalii gouverneur Greg Abbott.
E miijo Dr Seydou Kanté, ɗee njuɓɓudi ena kollira mettannde cuɓotooɓe e dow coggu nguurndam, caɗeele ekonomi e bonannde haɓre Iran.
Baylugol représentation politik
Ndee cuɓagol addii kadi bayle taariki e politik États-Unis.
E Michigan, Abdul El-Sayed wonii musulmaajo aranɗo mo cuɓaa e Sénat États-Unis. E Texas, Gina Hinojosa wonii debbo aranɗo mo ummii e aslu Latino-Américan mo heɓi darnde gouverneur.
Ɓe goɗɓe hono Deb Haaland e Nouveau-Mexique e Peggy Flanagan e Minnesota ena kollira baylugol représentation politik e États-Unis.
Trump e yeeso Congrès mo opposition ɗowi
Gila janvier 2027, Donald Trump maa gollondir e Congrès mo Démocrates njogii majorité e suuduuji ɗiɗi.
Ndee ngonka hesere ena waawi saɗtinde jaɓugol reformaji, semmbinde ƴeewtagol golle administration e waylude faandaaji budget e diplomasi Washington.
Kono, Dr Seydou Kanté siftinii wonde yeddagol e cuɓagol firtaaki wonde trumpisme majjii semmbe mum, sabu ena heddii e hakkunde yoga e cuɓotooɓe Amerik.
E duuɓi ɗiɗi hade cuɓagol président 2028, partiiji mawɗi ɗiɗi États-Unis poti ƴeewtude njuɓɓudi ndee cuɓagol, nde waylii semmbe politik e leydi.
Fouta TV - L'information au service des citoyens.
