Théâtre : Senegaal heɓii prixji ɗiɗi e Festival international FIESAD 2026 e Maroc
Théâtre Senegaal darajinaama e Rabat, Maroc, e édition 12ɓere Festival international des écoles supérieures en art dramatique (FIESAD), mo waɗaa gila 30 octobre haa 2 novembre 2026. Rewde e pièce « La Graine de la discorde », delegasioŋ Senegaal heɓii prix meilleure interprétation masculine e prix du jury.
Prixji ɗiɗi ngam théâtre Senegaal
Ndee édition renndinii lekkolji art dramatique ummiiɗi e leɗɗe jeeɗiɗi : Senegaal, Cuba, Italie, Mexique, Maroc, Pologne e Pays-Bas.
E nder balɗe nayo, spectacleji ɓadii sappo kolliraama yimɓe, tawa sukaaɓe comédienɓe heɓii fartaŋke ngam anndinde golle maɓɓe e siirtirde expérienceji aadaaji.
Pièce Senegaal « La Graine de la discorde » heɓii darnde e yeeso jury, tee nde jaalii prixji ɗiɗi e ndee compétition internasional.
Yeddondiral tokosngal ngal wayli tampere mawnde
Ndee pièce ena filloo taariki Demba e Mamadou, hoɗɓe ɗiɗo ɓe jokkondiral maɓɓe boni caggal haala gañal.
Gañal Mamadou naatii e ngesa Demba, tee ngal ñaamii yoga e abbereji tiga. Demba tikkitii, o wari gañal ngal, ɗum ummini anniya yoɓtugol e Mamadou.
Caggal ɗum, Mamadou yiitii ngese Demba. Yiite ndee saakii haa e wuro ngoo, tawa yeddondiral tokosngal wayliima tampere mawnde.
Rewde e ndee taariki, binnduɓe pièce ndee yeddii mawnikinaare, yoɓtagol e ɓeydude haɓre, tawa ɓe siftinii nafoore jeewte ngam safaaraade yeddondiral.
Prixji ɗiɗi ɗi Senegaal heɓi e Rabat ena darajina golle comédienɓe sukaaɓe Senegaal e hollude mbaawka théâtre leydi e aduna.
Fouta TV - L'information au service des citoyens.
