Wujjugol kuutorɗe e JOJ Dakar 2026 : Ministre Ibrahima Sy yeddii jokkondiral chauffeur mum e ndee haala, tee o humpitii plainte
Caggal nde innde mum jokkondiraa e haala wujjugol kuutorɗe audiovisuel ɗe delegasioŋ Biélorussie jeyi e Jeux olympiques de la jeunesse (JOJ) Dakar 2026, ministre de la Santé et de l'Hygiène publique, Dr Ibrahima Sy, yeddii humpitooji ɗi tuumata chauffeur mum e jeyagol e ndee haala.
Ministre oo laaɓtinii haala ndee
E jaabawol mum, Ibrahima Sy tabitinii wonde gorko mo nangaama oo wonaa chauffeur mum keeriiɗo, ko seerti e humpitooji ɗi siirtinaa.
O wi'i : « Ko chauffeur mo porogaraam gooto e nder ministère de la Santé et de l'Hygiène publique nangiri ngam golle sahaa seeɗa. »
Ministre oo yiɗi ɗum laaɓa wonde chauffeur mum keeriiɗo e gorko mo ƴeewtagol wujjugol kuutorɗe audiovisuel njowitii ɗoo ko yimɓe ceertuɓe.
Plainte ena ɗaminaa
Dr Ibrahima Sy jogii wonde humpitooji ɗi siirtinaa ɗii ena bonna daraja e innde mum. Ngam ɗum, o humpitii anniya mum ngam waɗde plainte e hoore neɗɗo mo fuɗɗini ɗee tuumaaji.
O siftinii kadi wonde ndee haala fotaaki waɗde yimɓe yejjita golle ɗe ekipji ministère mum mbaɗi ngam toppitade cellal atletɓe, delegasioŋaji e kala jeyaaɓe JOJ Dakar 2026.
Fouta TV - L'information au service des citoyens.
