Senegaal : Édouard Mendy maa teddinee hannde jemma e stade Léopold Sédar Senghor
Fédération sénégalaise de football (FSF) maa teddin Édouard Mendy ñalawma alhamiis 12 novembre 2026, e stade Léopold Sédar Senghor e Dakar. Ndee sirla maa waɗe hade haɓre Senegaal e Soudan, nde eɓɓaa saa 19 h e éliminatoires CAN 2027, ngam teddinde golle e taariki reenoowo gol ɓennuɗo Lionɓe.
Duuɓi jeetati e golle ekip nasional
E duuɓi 34, Édouard Mendy suɓii dartinde golle mum e ekip nasional Senegaal, caggal duuɓi jeetati ɗi o waɗi e maillot Lionɓe.
Reenoowo gol oo humpitinii retraite internasional mum e video mo o siftortoo taariki mum e Lionɓe, wondude e ɓatakuru yettugol : « Jërëjëf Sénégal ».
Gila naatugol mum e ekip nasional e 2018, Mendy wonii gooto e mbapatooɓe ɓurɓe nafoore e ekip oo. E sélections 60, o jeyii kadi e Coupes du monde 2022 e 2026.
Gooto e ardiiɓe foolaare taarikawal CAN 2022
Édouard Mendy maa heddo e siftorde Senegaalɓe sabu wallugol mum e foolaare arande Senegaal e Coupe d'Afrique des nations, ñalawma 6 février 2022, e yeeso Égypte.
O hollii mbaawka mawka e tirs au but, tee o wallii Lionɓe ngam ɓe heɓa medaay or, hade o suɓeede meilleur gardien tournoi.
E golle mum e club, o heɓii kadi medaayaji mawɗi, ɗoon e Ligue des champions e Chelsea e 2021, e trophée FIFA meilleur gardien de l'année.
Jooni o ena fija e Al-Ahli e Arabie saoudite, ɗo o jokkata golle mum e football professionnel caggal dartinde ekip nasional.
Teddungal sakkitiingal e yeeso Senegaalɓe
Hade haɓre Senegaal e Soudan fuɗɗude, ardiiɓe Lionɓe maa keɓ fartaŋke ngam teddinde mbapatoowo mo waɗi taariki e ekip nasional, e mbaawka e golle mum.
« Sélections 60, koode ɗiɗi e weltaare nde limgal mum alaa », ko ɗum Fédération sénégalaise de football holli ngam humpitinde ndee sirla.
Ndee teddungal maa won sahaa mawɗo ngam yettude Édouard Mendy, gooto e mbapatooɓe ɓe ɓuri wallude e foolaaji football Senegaal e duuɓi cakkitiiɗi.
Fouta TV - L'information au service des citoyens.
