JOJ Dakar 2026 : Senegaal heɓii medaay or jowaɓol, Afrik hollii mbaawka mum e atletism
Senegaal heɓii medaay or mum jowaɓol e Jeux olympiques de la jeunesse (JOJ) Dakar 2026, ñalawma talaata 10 novembre, sabu foolaare Marie Sarr e taekwondo. Ndee ñalnde waɗii kadi naatugol ekipaji Senegaal beach handball e quarts de finale, e foolaare atletɓe rewɓe Afrik e ndoggu 1 500 meeteer.
Taekwondo : Marie Sarr heɓii or, Aïda Touré bronze
Marie Sarr foolii finale kategori les 55 kg e yeeso Algerienne Yasmine Haouani (2-0), tee o addanii Senegaal medaay or hesere e yeeso yimɓe mum.
E kategori les 63 kg, Senegaalaajo Aïda Touré heɓii medaay bronze, ngam ɓeydude limgal medaayaji Senegaal.
Beach handball : Lionceaux naatii quarts de finale
Ekip worɓe Senegaal heɓii naatde quarts de finale caggal foolde Porto Rico (2-0), e haɓre mum sakkitiinde e groupe A.
Lionceaux maa pottu e Thaïlande ñalawma alarba 11 novembre, saa 11 h 40, ngam ɗaɓɓude nokku e demi-finales.
Ekip rewɓe Senegaal naatii kadi quarts de finale.
Atletism : Afrik heɓii medaayaji tati e 1 500 meeteer rewɓe
Etiopien Elsabet Amare foolii ndoggu 1 500 meeteer rewɓe e 4 min 28 s 02, yeeso Kenyane Abigael Chepkirui (4 min 29 s 86) e Eritreenne Kanari Estifanos (4 min 31 s 10).
E triple saut worɓe, Chinois Sheng Xuefeng foolii e diwgol 16,18 meeteer, yeeso Ouzbek Shakhzodbek Kholmurodov (15,71 meeteer).
Jamaïcain Jaeden Campbell heɓii ndam e 400 meeteer haies worɓe, e 50 s 60. O ardii Japonais Noriyuki Takano (50 s 88) e Autrichien Zsombor Klucsik (51 s 59).
E classement medaayaji mo humpitinaa caggal ndee ñalnde, Chine woni arande e medaayaji 28, ɗoon e or 15, caggal mum Japon e medaayaji 23, ɗoon e or 9.
Fouta TV - L'information au service des citoyens.
