Kisal e Afrik Hirrnaange : Dakar maa jaɓɓu kawrital 45aɓal hooreeɓe Armées CEDEAO
Dakar, babban saare Senegaal, maa jaɓɓu kawrital 45aɓal Comité des chefs d'état-major de Communauté économique des États de l'Afrique de l'Ouest (CEDEAO), gila 16 haa 18 novembre 2026. Ndee humpitoore siirtinaama ñalawma alhamiis 12 novembre e Direction de l'information et des relations publiques des Armées (DIRPA).
Balɗe tati jeewte militaar e Dakar
Ndee kawrital maa renndin hooreeɓe doole militaar leɗɗe ɗe njeyaa e CEDEAO, ngam jeewtude caɗeele reende leydi e kisal diiwaanu Afrik Hirrnaange.
No o woniri kurum teknikal CEDEAO, Comité des chefs d'état-major ena ƴeewtoo haalaaji militaar, tee o hokku wasiyaaji e kurumji ɗi ɗowata ñaawooje fedde ndee.
Kawritalji mum ɗi mbaɗetee ko ɓuri heewde laawol gootol walla ɗiɗi e hitaande, ngam semmbinde jeewte e gollondiral hakkunde hooreeɓe Armées leɗɗe ɗe njeyaa heen.
Senegaal ena ɗowi Comité oo
Gila 12 octobre 2026, hooreejum Comité oo ko vice-amiral d'escadre Oumar Wade, chef d'état-major général des Armées Senegaal.
Ndee kawrital 45aɓal maa waɗe e ɗowgol Senegaal, e sahaa nde gollondiral militaar ena heddii haala mawɗo ngam kisal leɗɗe Afrik Hirrnaange.
Caggal timmugol golle kawrital ngal, hooreeɓe Armées ɓe njeyii heen maa noddee ngam jeyde e sirla Journée des Forces armées sénégalaises, nde eɓɓaa ñalawma alhamiis 19 novembre 2026.
Fouta TV - L'information au service des citoyens.
