Podor : Yimɓe 14 maayii, ɓurɓe 300 gaañaama e aksidaaŋji laabi e lebbi sappo, préfet humpitii feereji kisal
Departemaa Podor heɓii maayde yimɓe 14 e gaañugol ɓurɓe 300 e aksidaaŋji laabi hakkunde janvier e octobre 2026. E yeeso ndee ngonka hulɓinnde, préfet Amadoune Diop humpitii porogaraam kisal laabi mo waɗetee e lewru novembre fof, ɓurɗum e route nationale n° 2 (RN2).
Komiteeji kisal laabi e galleeji
E hawrondiral ngal renndini transporteurɓe, chauffeurɓe Jakarta, doole kisal, gollotooɓe cellal e hooreeɓe nokkuuje, préfet oo noddii ngam kala neɗɗo wallu e ustude aksidaaŋji.
O wi'i : « Gila janvier haa octobre, min limii maayde yimɓe 14 e gaañugol ɓurɓe 300 e laabi departemaa Podor. »
E feereji ɗi cuɓaa, komiteeji kisal laabi maa sosne e galleeji ɗi RN2 rewata. Clubji maa uddite kadi e lekkolji ngam jannginde sukaaɓe teddinde Code de la route.
Chauffeurɓe Jakarta ɓurɗe ɗaɓɓireede
Porogaraamji reentinagol ɗii maa njowito ɓurɗum e chauffeurɓe moto e transporteurɓe.
Formation e ballal aranɗol ngam gaañaaɓe maa waɗe wondude e sapeur-pompierɓe e Croix-Rouge, ngam jannginde chauffeurɓe no ɓe mbaawirta wallude gaañaaɓe hade ballal arude.
Hooreeɓe ena yiɗi kadi semmbinde reentinagol e dow ɓornugol kask e immatriculation motooji.
Mummugol jawdi e sarɗiiji laabi
Préfet oo siftinii kadi caɗeele goɗɗe, hono jawdi ndi mummata e laabi, dartingol otooji e nokkuuje ɗi yamiraaka e ŋakkere panooji signalisation.
Golle ena eɓɓaa wondude e collectivités territoriales ngam moƴƴinde gaareeji otooji, hesɗitinde panooji laabi e waɗde ralentisseurɓe sara yoga e lekkolji.
Arrêté préfectoral maa sos komitee ɗowoowo ɗee feereji, tawa radiooji renndo maa wallu e reentinagol yimɓe.
Faandaare ndee porogaraam ko ustude aksidaaŋji, reende nguurndam yimɓe e semmbinde kisal e laabi Podor, ɓurɗum e RN2.
Fouta TV - L'information au service des citoyens.
