Migrasioŋ ngal sariya yamiraani : Senegaalɓe 400 maa ngartire iwde Maroc caggal nangugol pirooji keewɗi
Senegaalɓe 400 ɓe njooɗinaama e fuɗnaange-worgo Maroc maa fuɗɗu artude e leydi maɓɓe e anniya maɓɓe, gila ñalawma juma 30 octobre 2026. Ndee golle artirgol migranɓe ari caggal nde pirooji keewɗi, ɗi njahdinoo yimɓe ɗaɓɓuɓe yahde Europe e maayo, nangaama.
Bisji sappo heblaama ngam artirde migranɓe
E ko humpito diplomatik mo Agence de presse sénégalaise (APS) siiftiri holli, migranɓe ɓe njooɗinaama e centreji Argoub e Bir-Gandouz maa artire Senegaal e bisji 10, tawa kala bis ena waawi ƴettude yimɓe 40.
Bisji tato maa njaltu Maroc ñalawma juma oo, tawa bisji goɗɗi heblaama ngam njaltude 3 e 5 novembre.
Golle artirgol goɗɗe ena mbaawi kadi waɗe e yontere ɗiɗaɓere lewru novembre.
Ɓurɓe 500 migranɓe nangaama e maayo
Hakkunde 19 e 25 octobre, marine royale Maroc nangii pirooji tato ɗi njahdinoo yimɓe ɓurɓe 500, ɗoon e Senegaalɓe ɓadii 300.
E hakkunde yolɓe ɓee ena woodnoo rewɓe, sukaaɓe e ɓiɓɓe tokosɓe. Pirooji ɗii njaltinoo e tefɗe maayo Senegaal e Gambie.
Ndee nangugol ɓeydii caɗeele centreji jaɓɓugol migranɓe e Maroc, ɗo ɓadii yimɓe 800 iwɓe e leɗɗe ceertuɗe limtaa, ɓurɗum Senegaal, Gambie, Mali e Guinée.
E yeeso ndee ngonka, golle artirgol migranɓe e anniya maɓɓe faandii ngam hoynude toppitagol maɓɓe e ustude heewugol yimɓe e centreji jaɓɓugol migranɓe e Maroc.
Fouta TV - L'information au service des citoyens.
