Artugol e renndo : Me Moussa Sarr ɗaɓɓitii kaso ɗi hebla yimɓe ngam artude e nguurndam renndo
Minis Justice, Garde des Sceaux, Me Moussa Sarr, noddii ngam hesɗitinde sistem kaso Senegaal, tawa artugol ñawaaɓe sara'a e renndo woni e hakkunde politik kaso. E conférence régional jowitiiɗo e wallugol kasankooɓe hade e caggal yaltugol maɓɓe, o teeŋtinii nafoore formation, janngugol e haɗde artugol e bonanɗe.
Gollotooɓe 418 maa nangiye e Administration pénitentiaire
Ngam moƴƴinde ngonka kaso e toppitagol kasankooɓe, minis oo humpitii yamiroore nangugol gollotooɓe 418 e hitaande 2026, ɗoon e reenooɓe 400, contrôleurɓe 6, agentɓe administratifs 10 e inspecteurɓe 2.
O hollii kadi porogaraamji formation e kaso, ɗoon e janngugol ñaamdukol kolte, waɗde mburu, mekanik otoji e golle remugol.
Jeewte ena ƴeewtee kadi ngam kasankooɓe ɓe njogii baccalauréat mbaawa jokkude janngugol maɓɓe e Université numérique Cheikh Hamidou Kane.
Huutoraade feereji goɗɗi heldur e kaso
Me Moussa Sarr noddii ngam ɓeydude huutoraade lefol sara'a goɗɗol, no gollugol ngam nafoore renndo, sursis e reentagol elektronik, ngam ustude heewugol yimɓe e kaso.
O teeŋtinii kadi sokla wallude ɓe njalti kaso ngam heɓde golle, formation e artude e hakkunde musiɓɓe maɓɓe.
O wi'i : « Dammugal kaso ena waawi udditeede e sekond gooto, kono mahde nguurndam kesam ena waawi ƴettude duuɓi keewɗi. »
E miijo Garde des Sceaux, kaso fotaaki wonde nokku lefol tan. O foti kadi wallude kasankooɓe ngam ɓe kesɗitina nguurndam maɓɓe, ɓe keɓa ganndal e golle, tee ɓe ngarta e renndo e teddungal.
Fouta TV - L'information au service des citoyens.
