JOJ Dakar 2026 : Yimɓe 11 000 ena ɗaminaa e sirla udditgol mawnde e Diamniadio
Senegaal ena hebloo naatde e taariki ñalawma asewe 31 octobre 2026, e sirla udditgol Jeux olympiques de la jeunesse (JOJ), e Stade Abdoulaye Wade Diamniadio. Ɓadii yimɓe 11 000, ɗoon e dansoɓe 700, maa njeyaa e sirla mawnde ngam darajinde sukaaɓe, sport e jawdi aadaaji Afrik.
Sirla mawnde e Stade Abdoulaye Wade
Stade Abdoulaye Wade, mo waawi jaɓɓude yiytooɓe 55 000, maa jaɓɓo udditgol joowe olimpik aranooje ɗe mbaɗetee e Afrik.
Président de la République, Bassirou Diomaye Faye, e présidente Comité international olympique (CIO), Kirsty Coventry, ena ɗaminaa e hakkunde hooreeɓe ɓe maa njeyaa.
Rewde e musik, dans e golle artisɓe, heblooɓe sirla ndee ena ngiɗi darajinde aadaaji Senegaal e ceertuɗe aadaaji Afrik.
Ɓadii sukaaɓe sport 2 700 maa njeyaa e joowe
JOJ Dakar 2026 maa renndin ɓadii sukaaɓe sport 2 700, ɓe duuɓi maɓɓe ngoni hakkunde 15 e 17, iwɓe e delegasioŋaji ɓurɗi 200.
E fof, épreuveji 153 e sportji 25 ena heblaa, ɓurɗum e Dakar, Diamniadio e Saly.
Ndee compétition maa hokku kadi sukaaɓe sport Senegaal fartaŋke ngam reenude nooneeji leydi maɓɓe e yeeso supporters maɓɓe.
Ndonu JOJ caggal joowe
E miijo heblooɓe, JOJ poti accude nafoore juutnde e infrastruktuurji, formation e ɓeydude ganndal sukaaɓe.
Humphrey Kayange, hooreejo commission de coordination CIO ngam Dakar 2026, teeŋtinii nafoore ndonu joowe ɗee, ɗoon e infrastruktuurji sport, nokkuuje ɗe heblaa e ganndal yimɓe ɓe ngollii e sirla ndee.
E ndee sirla udditgol, Dakar 2026 ena yiɗi waɗde taariki e nder mouvement olympique, tee nde ɓeyda lollugol Senegaal e Afrik e aduna.
Fouta TV - L'information au service des citoyens.
