Senegaal : Sosgol Fonds spécial ngam finansde golle artisɓe ena ƴeewtee
Président de la République, Bassirou Diomaye Faye, ena yiɗi semmbinde finans e hesɗitinde fannu artisanat e Senegaal. Caggal nde o jaɓɓi hooreeɓe Chambres de métiers e Union nationale maɓɓe, o yamirii gouvernement ngam ƴeewtaade sosgol Fonds spécial mo wallata artisɓe heɓde ceede ngam yeesoɓtinde golle maɓɓe.
Hoynude heɓugol ceede e marchéji laamu
Hooreejo leydi ɗaɓɓitii limgol artisɓe Senegaal fof, ngam hoynude naatgol maɓɓe e porogaraamji formation, ballal e finans.
Fonds spécial mo sosgol mum ena ƴeewtee oo ena waawi tuggaade e sistemji finans laamu ɗi ngoodi e ballal artisɓe.
Président oo yiɗi kadi hoynude heɓugol marchéji laamu, rewde e hesɗitinde golle Agence de promotion et de développement de l'artisanat (APDA) e Projet Mobilier national.
Hesɗitinde infrastruktuurji artisanat
Yamirooje Président oo ena njowitii kadi e hesɗitinde Chambres de métiers, ɓeydude kuutorɗe maɓɓe e laaɓtinde hakkeeji leydi e wurooji artisɓe.
Hakkille mawɗe maa kokkee e formation professionnelle, janngugol golle e wallugol sukaaɓe heɓde golle.
Porogaraam oo ena faandii kadi ngam darajinde « Made in Sénégal », semmbinde waɗde jawdi e Senegaal e ɓeydude huutoraade ko leydi ndee waɗi.
Ngam ƴeewtaade jokkugol ɗee golle, Premier ministre yamiraama ngam heblaade Conseil interministériel jowitiiɗo e yeesoɓtere artisanat hade timmugol hitaande 2026.
Ndee anniya ena naata e Agenda national de transformation Sénégal 2050, ngam waɗde artisanat fannu mawngu e sosgol golle, entrepriseji e yeesoɓtere ekonomi Senegaal.
Fouta TV - L'information au service des citoyens.
