JOJ Dakar 2026 : Yillugol droneji e asamaan haɗaama e sahaa seeɗa e Dakar, Diamniadio e Saly
E sahaa nde Jeux olympiques de la jeunesse (JOJ) Dakar 2026 ɓadii, yillugol droneji e asamaan maa haɗe e sahaa seeɗa, gila 29 octobre haa 14 novembre 2026. Ndee yamiroore faandii ngam semmbinde kisal asamaan e sara nokkuuje ɗo joowe sport mbaɗetee e ɗo delegasioŋaji njooɗotoo.
Haɗgol e nder kilometeerji 5
Ndee yamiroore ena fawii e kala huutortooɓe droneji, woni gollotooɓe, yimɓe huutortooɓe ɗi ngam weltaare, entrepriseji walla mediaaji.
Yillugol droneji maa haɗe e nder kilometeerji 5 sara nokkuuje ɗe cuɓaa e Dakar, Diamniadio e Saly, wondude e laabi e corridorji goɗɗi ɗi kolliraa e circulaire resmiijo.
Ndee haɗre ena naata e nder feereji kisal ɗi heblaa ngam JOJ Dakar 2026, ɗi mbaɗetee gila 31 octobre haa 13 novembre 2026.
Huutortooɓe droneji noddaama ngam teddinde yamiroore ndee
Gollotooɓe audiovisual, waɗooɓe contenu e huutortooɓe droneji goɗɗe noddaama ngam ɓe ƴeewto circulaire resmiijo, ngam anndude nokkuuje ɗe haɗre ndee fawii e dow mum e ngam waylude no ɓe ngollirta e sahaa oo.
Ɗee haɗre ɗe mbaɗetee e sahaa seeɗa faandii ngam reenude jeyaaɓe joowe sport, yiytooɓe e infrastruktuurji e sahaa Jeux olympiques de la jeunesse Dakar 2026.
Fouta TV - L'information au service des citoyens.
