Gouvernance locale : E Dakar, sukaaɓe ɗaɓɓitii heɓde nokku e cuɓanɗe komiinji
Sukaaɓe ɓadii 40 kawrii ñalawma 31 octobre 2026 e Dakar, e dialogue citoyen ɗiɗaɓo « Parlons JOJ », ngam jeewtude naatugol maɓɓe e ɗowgol collectivités territoriales. E ɗaɓɓitanɗe maɓɓe, ɓe eɓɓii nokkuuje jeewte juutɗe, budget musamman ngam sukaaɓe e ɓeydude darnde feddeji renndo.
Miijooji ngam ɓeydude naatugol sukaaɓe e cuɓanɗe
Ndee hawrondiral, nde Polaris Asso hebli e ballal Ambassade de Suisse au Sénégal, ena jeyaa e jeewte nayo ɗe eɓɓaa e sara Jeux olympiques de la jeunesse (JOJ) Dakar 2026.
Ousseynou Gueye, directeur exécutif Polaris Asso, wi'i : « En kaalata no feewi e dow sukaaɓe, kono en kaaldataa tawo e maɓɓe no heewi. »
Fatou Touré, rapporteure nationale Conseil consultatif des jeunes du Sénégal (CCJS), ɗaɓɓitii sosgol nokkuuje jeewte e kala komiin, wondude e ceede budget ngam porogaraamji sukaaɓe.
E ɗo mum, Babacar Gérard Mbaye, agent municipal e Cambérène, hollii porogaraam « Quatuor », mo eɓɓii yontere gootere jeewte e yonte tati ngam waɗde golle ɗe cuɓaa.
Feddeji sport e aadaaji ngam yeesoɓtere nokkuuje
Pape Ousmane Badiane, conseiller municipal e Thiaroye-sur-Mer, ɗaɓɓitii ngam associations sportives et culturelles (ASC) ngona partenaires goongɗe komiinji, rewde e sattundeeji e alkawalji hitaande kala.
Mairesse Golf Sud, Khadija Mahécore Diouf, noddii sukaaɓe ngam ɓe ɓeydu naatugol e golle renndo.
O wi'i : « Nokku on ɗamini oo jonnetaake on no newiri. Ko onon poti yahde ɗaɓɓude mo. »
Maire Khombole, Magueye Boye, reentinii kadi nafoore ɗowgol komiinji wondude e jamaanuuji ceertuɗi.
Wasiyaaji maa neldane hooreeɓe laamu
Ndee hawrondiral renndinii kadi hooreeɓe Suisse, ɗoon e Tamara Mona, ambassadrice Suisse e Senegaal, e Patricia Danzi, directrice générale coopération suisse.
Jeewte garooje maa njowito e entreprenariat sukaaɓe. E sakkitorde jeewte ɗee, wasiyaaji ɗi ɓurɗi nafoore maa neldane hooreeɓe laamu Senegaal.
Fouta TV - L'information au service des citoyens.
