Éliminatoires CAN 2027 : Patrick Vieira maa hollu liste ciyaarɓe mum alhamiis ngam yantidude e Soudan
Entraîneur Lions Senegaal, Patrick Vieira, maa hollu ñalawma alhamiis 5 novembre 2026 doggol ciyaarɓe ɓe o suɓii ngam yantidude e Soudan laabi ɗiɗi. Ɗee matchji njeyaa e ñalɗi tataɓi e nayaɓi éliminatoires Coupe d'Afrique des nations (CAN) 2027.
Conférence de presse e King Fahd Palace
E ko communiqué Fédération sénégalaise de football (FSF) holli, doggol ciyaarɓe oo maa humpitire e saa'i 10 subaka, e conférence de presse nde waɗetee e hôtel King Fahd Palace e Dakar.
Ɗum maa won liste ɗiɗaɓere nde Patrick Vieira hollata gila nde o suɓaa ngam ɗowde ekip nasional e août ɓennuɗo.
Cuɓanɗe entraîneur oo ena ɗaminaa no feewi, ɓurɗum e mbaawka artugol yoga e ciyaarɓe mawɓe e naatnugol ciyaarɓe hesɓe.
Matchji ɗiɗi mawɗi yeeso Soudan
Senegaal maa jaɓɓu Soudan ñalawma 12 novembre, e stade Léopold Sédar Senghor e Dakar, hade o yahde e match retour ñalawma 16 novembre.
Caggal match nul yeeso Mozambique (1-1) e jaalangal yeeso Éthiopie (1-0), Lions ena njogii pointji nayo e groupe J, tawa ɓe potii e Mozambique.
Ɗee matchji ɗiɗi garooji maa njog nafoore mawnde ngam Senegaal e laawol qualification CAN 2027.
Fouta TV - L'information au service des citoyens.
