Diamniadio : Déthié Fall udditii autopont keso e dow laawol TER ngam hoynude yahdugol otoji
Minis des Infrastructures, Déthié Fall, udditii e laawol resmiijo autopont keso mo mahiraa e dow laawol Train Express Régional (TER), e Diamniadio. Ndee infrastruktuur kesere, nde mahiraa ngam moƴƴinde yahdugol e saare, faandii ɓurɗum ngam hoynude yahdugol yimɓe e sahaa nde Jeux olympiques de la jeunesse (JOJ) Dakar 2026 ɓadii.
Laawol keso jokkondirngol Diamniadio e route nationale
E yamiroore Président Bassirou Diomaye Faye, minis Déthié Fall jaɓɓii ndee mahre kesere, nde jokkondirta pôle urbain Diamniadio e route nationale.
E ko o holli, autopont oo ko gooto e infrastruktuurji mawɗi ɗi ngoni e porogaraam ɗowgol yahdugol otoji ngam JOJ Dakar 2026, ɗi fuɗɗata 31 octobre.
Ndee mahre maa hoynu naatgol e yaltugol e Diamniadio, tee nde ustu caɗeele yahdugol otoji e ndee nokku nde ena yeesoɓtoo e jaawngol.
Rond-point keso ngam moƴƴinde yahdugol
E dow ɗum, rond-point keso mahiraa e les autopont goɗɗo mo golle mahgol mum timmaani tawo e route nationale.
Ndee mahre faandii ngam hoynude yahdugol otoji e fannuuji ɗiɗi, ɓurɗum hakkunde Dakar e Diamniadio.
Nde maa wallu kadi ngam moƴƴinde ɗowgol transport e nokkuuje ɗo laabi mawɗi kawrata.
E udditgol ndee autopont, hooreeɓe laamu ena ngiɗi semmbinde yahdugol e Diamniadio e ustude caɗeele transport, wonaa tan e sahaa JOJ Dakar 2026, kono kadi e nguurndam yimɓe caggal ndee sirla.
Fouta TV - L'information au service des citoyens.
