UCAD : Université heɓii ñaawoore ɗiɗi ɗe nafata mo yeeso janngooɓe ɓe riiwtaa e ancien recteur Ahmadou Aly Mbaye

Tribunal yamirii yo nangugol kont bankiiji dartine

Yeddondiral hakkunde UCAD e janngooɓe Aliou Gningue, Cheikh Tidiane Diop e Mamour Diongue fuɗɗinoo e 2016, nde ɓe riiwtaa e Faculté des sciences économiques et de gestion (FASEG), caggal jiiɓugol e campus.

Ñalawma 28 septembre ɓennuɗo, ñaawoore référé yamirinoo UCAD yo yoɓu ɓe milyaar 5 FCFA sabu artinaaki ɓe e janngugol.

Caggal ɗum, janngooɓe ɓee fuɗɗii laawol nangugol kont bankiiji université oo, tuggi e ñaawoore Cour suprême.

Kono, ñalawma altine, tribunal hors classe de Dakar yamirii yo nangugol kont ɗii dartine e jaawngol, tawa ceede laawol ñaawoore ndee ko janngooɓe tato ɓee yoɓata.

Ndee cuɓaande waɗii UCAD waawa huutoraade kont mum hay so appel waɗaama. Kono yeddondiral milyaar 5 FCFA ngal timmaani tawo.

Ahmadou Aly Mbaye heɓaani ko o ɗaɓɓitii

E haala ɗiɗaɓere, ñaawoojo référé yeddii ɗaɓɓitanɗe Ahmadou Aly Mbaye, ancien recteur UCAD, mo yahnoo e sara'a caggal lomtingol mum e hoore WASCAL, nokku ganndal diiwaanu mo toppitii caɗeele iklim.

O ɗaɓɓitinoo yoɓugol salaireji ɗi keddii, artirgol kuutorɗe biro e waɗugol astreinte finans e dow université oo.

Kono, tribunal oo jaɓaani hay gootere e ɗee ɗaɓɓitanɗe.

Ɗee ñaawoore ɗiɗi nafii UCAD e yeddondiral mum e sara'a. Kono haala ceede milyaar 5 FCFA ɗe janngooɓe ɓee ɗaɓɓitii ndee timmaani tawo.

Fouta TV - L'information au service des citoyens.