JOJ Dakar 2026 : Alibaba wallii Senegaal e mahgol cloud nasional ngam mooftude humpitooji numerik
Jeux olympiques de la jeunesse (JOJ) Dakar 2026 ena ɗaminaa accude ndonu mawngol e fannu teknolosi numerik. Rewde e gollondiral hakkunde Senegaal e groupe technologique chinois Alibaba, leydi Senegaal ena jogii jooni infrastruktuur cloud ngam jaabaade soklaaji JOJ, hade ndee teknolosi waawde huutoreede e leydi fof e yeeso.
Infrastruktuur numerik nde mahiraa ngam JOJ
E ko Ibrahima Wade, coordonnateur général Comité d'organisation des Jeux olympiques de la jeunesse (COJOJ), holli, ndee golle ko ƴellitaare gollondiral hakkunde Comité international olympique (CIO), Alibaba, Dakar 2026 e laamu Senegaal.
O wi'i ñalawma alat, e ko Agence de presse sénégalaise (APS) humpitiri : « Hannde, sabu CIO e gollondiral hakkunde Alibaba, Dakar 2026 e laamu Senegaal, leydi amen heɓii gooto e cloudji ɓurɗi mawnude e Afrik. »
Ndee infrastruktuur ena huutoree ngam toppitade jaaygol bileeji, ƴeewtagol njuɓɓudi compétitionaji sport e reende humpitooji numerik jowitiiɗi e JOJ.
Sénégal Numérique e hakkunde ndonu teknolosi
COJOJ ena yiɗi ndee teknolosi jokka nafaade sarwiisji laamu Senegaal hay caggal compétitionaji.
Ngam ɗum, Sénégal Numérique (SENUM SA), entreprise publique nde toppitii infrastruktuurji e sarwiisji numerik laamu, naatnaama e porojee oo ngam heɓde nafoore kuutorɗe e ganndal kesal ngal heɓaa.
Gollondiral ngal ena eɓɓii kadi siirnugol ganndal teknolosi e formation profesioŋelɓe Senegaal e fannu cloud.
Ndee golle ena waawi semmbinde mbaawka Senegaal e teknolosi numerik, wallude hesɗitinde sarwiisji laamu e waɗde ndonu JOJ Dakar 2026 nafoore juutnde ngam leydi fof.
Fouta TV - L'information au service des citoyens.
