JOJ Dakar 2026 : Hooreeɓe leɗɗe Afrik keewɓe njaltii Dakar caggal sirlaaji resmiiji
Président de la République, Bassirou Diomaye Faye, yahdanii ñalawma alat 1er novembre hooreeɓe leɗɗe Sierra Leone, Guinée-Bissau e Rwanda haa e aéroport militaire Léopold Sédar Senghor, caggal nde ɓe timmini jooɗorgal maɓɓe e Senegaal ngam Jeux olympiques de la jeunesse (JOJ) Dakar 2026.
Hooreeɓe leɗɗe Afrik tato njaltii Senegaal
Julius Maada Bio, président Sierra Leone, général Horta Nta, hooreejo Guinée-Bissau, e Paul Kagame, président Rwanda, ngarnoo Dakar ngam naatde e Sommet sur le sport et le développement durable e sirla udditgol JOJ.
Arugol maɓɓe hollii jokkondiral hooreeɓe Afrik e ndee sirla olimpik, nde waɗetee laawol aranɗol e leydi Afrik.
Jeewte hakkunde Diomaye Faye e Paul Kagame
Hade président Rwanda artude e leydi mum, hooreeɓe leɗɗe ɗiɗo ɓee mbaɗii jeewte e dow caɗeele diiwaanuuji e internasional, wondude e laabi semmbinde gollondiral hakkunde Dakar e Kigali.
Jeewte ɗee njowitii kadi e nafoore sport e formation sukaaɓe, sosgol golle e ɓeydude investismaaji e Afrik.
Bassirou Diomaye Faye e Paul Kagame teeŋtinii nafoore huutoraade infrastruktuurji e fartaŋkeji ɗi JOJ addi, ngam ɗi njokka nafaade yimɓe hay caggal compétitionaji.
Président Senegaal oo yettii hooreeɓe ɓee ngam arugol maɓɓe, tawa o darajinii sehilaaɗagal e wallondiral hakkunde leɗɗe Afrik.
Fouta TV - L'information au service des citoyens.
