JOJ Dakar 2026 : Diomaye Faye noddii ngam sport won laawol yeesoɓtere juutnde e Afrik
Président de la République, Bassirou Diomaye Faye, udditii ñalawma asewe 31 octobre 2026, e King Fahd Palace, fannu hooreeɓe leɗɗe e Sommet de Dakar sur le sport et le développement durable. E yeeso hooreeɓe internasional, o ɗaɓɓitii ngam Jeux olympiques de la jeunesse (JOJ) acca ndonu juutngal, tuggaangal e formation, sosgol golle e investismaaji sport.
Noddingol ngam jam e wallondiral olimpik
E ndee hawrondiral, nde jokkondiri e sommet aranɗo mo waɗanoo e Paris e 2024, hooreejo leydi siftinii darnde taariki JOJ Dakar 2026.
O wi'i : « Ko laawol aranɗol e taariki joowe olimpik, ɓernde Olympisme ena fiɗa e leydi Afrik. »
Bassirou Diomaye Faye noddii kadi ngam teddinde Trêve olympique, tawa o teeŋtinii nafoore sport e semmbinde jam, jeewte e wallondiral hakkunde leɗɗe.
Sukaɓe e hakkunde ndonu JOJ
Président Senegaal oo yiɗi investismaaji ɗi mbaɗaa ngam JOJ njokka nafaade yimɓe caggal joowe ɗee, ɓurɗum e infrastruktuurji sport, formation sukaaɓe jogiiɓe mbaawka e sosgol golle.
O wi'i e sukaaɓe : « Onon ngonaa caɗeele ɗe poti ɗoweede, ko onon woni enerji amen kesɗitotoonde. »
Jeewte e hooreeɓe internasional
Hooreejo leydi naatii kadi e panel mawngo wondude e Président Mauritanie Mohamed Ould Cheikh El Ghazouani, prince Albert II de Monaco, présidente CIO Kirsty Coventry e directeur général Société financière internationale Makhtar Diop.
Jeewte ɗee njowitii e finansde sport, fartaŋkeji ekonomi e naatnugol soklaaji sukaaɓe e politik laamu.
Bassirou Diomaye Faye tabitinii wonde laamu Senegaal maa ƴeewto no wasiyaaji sommet oo huutortee, ngam JOJ Dakar 2026 acca ndonu ekonomi, renndo e sport juutngal.
Fouta TV - L'information au service des citoyens.
