JOJ Dakar 2026 : Ɓadii agents 15 000 noddaama ngam reende kisal joowe
Ɓadii gollotooɓe 15 000 e Forces de défense et de sécurité noddaama ngam reende kisal Jeux olympiques de la jeunesse (JOJ) Dakar 2026. E nder ɗee golle, hooreeɓe Centre de coordination des opérations (CCO) mbaɗii njahduuji ƴeewtagol e postes de commandement ceertuɗi, ñalɗi 3 e 4 novembre.
Semmbinde gollondiral hakkunde doole kisal
Ndee njahdu ɗowaama e colonel Davy Koguila Mané, hooreejo CCO, wondude e colonel Tafsir Dame Ndiaye e commissaire principal Balla Fall.
Ɓe ƴeewtii postes de commandement sapeur-pompierɓe, Armées, Gendarmerie nationale e Police nationale, wondude e poste de commandement mixte e Saly.
Faandaare njahduuji ɗii ko ƴeewtude feereji kisal ɗi mbaɗaa e teren, anndude no ɗi ngollirta e semmbinde gollondiral hakkunde doole ceertuɗe.
Porogaraam kisal ena golla gila 23 octobre
Ndee golle ena waɗee e ɗowgol Comité national de coordination de la sécurité des JOJ (CNS-JOJ), mo ministre de l'Intérieur et de la Sécurité publique ɗowi.
Gila 23 octobre 2026, limgal gollotooɓe kisal ɓeydinaama seeɗa-seeɗa ngam jaabaade soklaaji ndee sirla internasional.
E jokkondiral be CCO, postes de commandement ena toppito operasioŋaji, siirtirde humpitooji e ɗowde ballal so caɗeele waɗii.
Faandaare ndee porogaraam ko reende nokkuuje compétition, atletɓe, delegasioŋaji e yimɓe renndo e nder sahaa JOJ Dakar 2026 fof.
Fouta TV - L'information au service des citoyens.
