Saint-Louis : Yimɓe jowi nangaama e sikkiiji trafic de migrants, ceede ɓurɗe milioŋ 4,5 FCFA nangaa
Antenne régionale Saint-Louis e Division nationale de lutte contre le trafic de migrants et pratiques assimilées (DNLT) nangii yimɓe jowi ñalawma 31 octobre 2026, e nder operasioŋaji ceertuɗi e kartiye Hydrobase. Tuumaaɓe ɓee ena njokkondiree e sikkiiji association de malfaiteurs, etagol yahdingol emigranɓe e maayo, ñuygol e wallugol e ɗee golle.
Operasioŋaji tati ngam haɗde emigrasioŋ ngal yamiraaka
Operasioŋ aranol wallii police ngam nangude gorko mo ena sikkitaa soodnoo gaal ngam yahde Dakar e nder porojee emigrasioŋ ngal yamiraaka. Gaal ngal dartinaama, tee bidonji essence jeenay nangaama.
E haala ɗiɗaɓere, gorko mo ena sikkitaa eɓɓanoo yahdu emigranɓe waɗanii policier gooto alkawal milioŋ 1 FCFA, ngam o wallu gaal ngal yahde e tefes Espaañ.
Feere nde ƴeewtooɓe peewni addii nangugol gorko oo e goɗɗo mo ena sikkitaa wonde o walli mo. Police yiytii kadi nokkuuje ɗiɗi ɗo emigranɓe hoɗdinaa, tawa e gooto e majje ena woodi yimɓe nayo ɓe eɓɓanoo yahde.
E ndee operasioŋ, police nangii 3 225 000 FCFA e motopompe goote.
Gaal goɗngal dartinaama
E operasioŋ tataɓol, yimɓe ɗiɗo nangaama sara gaal ngal police ƴeewtotoo gila ko adii.
Ƴeewtooɓe nangii gaal gootal, moteur 40 chevaux e ceede 1 372 000 FCFA.
E fof, operasioŋaji tati ɗii addii nangugol 4 597 000 FCFA, gaali ɗiɗi e kuutorɗe goɗɗe ɗe ena sikkitaa wonde ɗe eɓɓanoo huutoreede e yahdu emigrasioŋ e maayo.
Police nationale tabitinii anniya mum ngam jokkude haɓre e renndooji trafic de migrants, tee nde noddii yimɓe ngam ɓe humpitinu sarwiisiji kisal kala ko ɓe anndi e dow ɗee golle, e limooje telefon caahu 17 walla 800 00 17 00.
Fouta TV - L'information au service des citoyens.
