Thinking Africa : IDEAS hokkii sukaaɓe haala ngam hesɗitinde lekkolji e universitéji Afrik

Hesɗitinde janngugol rewde e ngonka Afrik

Ndee conférence waɗiraa e tiitoonde « Jaltinde janngugol e ndonu kolonial walla hesɗitinde ɗum ? Lekkool, université e mahgol janngo Afrik ».

Nde renndinii yimɓe keewɓe ngam jeewtude caɗeele janngugol e Afrik.

Jeewte ɗee njowitii e darajinde ganndal Afrik, fotnude porogaraamji janngugol e soklaaji yimɓe, e mahde lekkolji ɗi njokkondiri no moƴƴiri e nguurndam renndo Afrik.

Alioune Diaw, jannginoowo e ƴeewtoowo ganndal e Université Cheikh Anta Diop de Dakar (UCAD), naatii e ndee hawrondiral. Jeewte ɗee ɗowaama e Cheikh Thiam, sosɗo IDEAS e jannginoowo-ƴeewtoowo e Amherst College, États-Unis.

Janngooɓe e hakkunde jeewte

Ko gootum e ko seerti ndee conférence ko nokku mo sukaaɓe heɓi. Janngooɓe lycée e université njooɗii e yeeso hawrondiral ngam hollude miijooji maɓɓe e dow bayle ɗe lekkolji e universitéji Afrik sokli.

Haalaaji maɓɓe mbaɗii jeewte e dow ɗaminaaji jamaanu keso e fannu formation, heɓugol ganndal e fartaŋkeji golle caggal janngugol.

Saison ɗiɗaɓo humpitiraama

Porogaraam Thinking Africa, mo walliraa e Open Society Foundations, Amherst College, UCAD e Musée des Civilisations noires, ena eɓɓii jokkude hawrondiral mum e saison ɗiɗaɓo.

IDEAS yiɗi jokkude udditde nokku jeewte e dow naamne mawɗe Afrik, tawa ƴeewtooɓe ganndal, yimɓe renndo e sukaaɓe ena gollondira.

Faandaare mum ko : « Haalde e dow Afrik e Afriknaaɓe, e nder Afrik. »

Fouta TV - L'information au service des citoyens.