
Saint-Louis : Salon international du cinéma et de la photographie maa artu gila 26 haa 28 novembre
Saare Saint-Louis maa jaɓɓu édition ɗiɗaɓol Salon international du cinéma et de la photographie, gila 26 haa 28 novembre 2026. E tiitoonde « Héritages en mouvement : Afrique, diasporas et fabrique du commun », ndee sirla maa renndin waɗooɓe film, nataɓe foto, artisɓe e gollotooɓe industri culturelles ngam semmbinde sosgol e teddinde natalji Afrik.
Balɗe tati ngam cinéma e photographie
Ndee sirla eɓɓaama e Collectif Cinéma de Saint-Louis - Écran du Fleuve, ngam jokkude golle ɗe fuɗɗinaa e édition aranol e 2025.
E ko eɓɓiiɓe humpitiri, porogaraam oo maa waɗir hollugol filmji, exposisioŋ fotooji, masterclass, atelierji e kawritalji gollotooɓe.
Forum gootol maa renndin producteurɓe, réalisateurɓe, fotografɓe e wakilɓe kurumji, ngam jeewtude finansde, sosde e siirtinde golle art Afrik.
« Nuits des Images » maa waɗir hollugol filmji e yaasi, performanceji audiovisuel e sosgol numerik e nokkuuje anndaaɗe e Saint-Louis.
Fartaŋke mawɗe ngam sukaaɓe artisɓe
Résidence « Talents du Fleuve » maa wallu sukaaɓe winndooɓe, réalisateurɓe e teknisienɓe Afrik ngam ɓe yeesoɓtina porojeeji film documentaire.
Kawrital keeriingal ngam hollugol porojeeji maa waɗane sukaaɓe artisɓe Saint-Louis, Podor, Dagana e Richard-Toll. Porojee mo cuɓaa oo maa heɓ bourse de production.
Eɓɓiiɓe ena ɗamini yimɓe 250 haa 300 e forum professionnel, wondude e intervenantɓe ɓurɓe 30 e Senegaal e leɗɗe janane, e kawritalji ɓadii 20.
Sukaaɓe sosooɓe hakkunde 150 e 200 ena ɗaminaa kadi e atelierji e formationaji.
E ndee édition ɗiɗaɓol, Salon oo ena yiɗi semmbinde nokku Saint-Louis e industri culturelles e créatives, tawa o newnata siirtugol golle art e feeñugol mbaawka keso e Afrik.
Fouta TV - L'information au service des citoyens.







