JOJ Dakar 2026 : Artis Boubou semmbinii hakkille janngooɓe e golle art mum
E sahaa Jeux olympiques de la jeunesse (JOJ) Dakar 2026, artis Senegaal Boubou Niang waɗii golle nataade e direct, ñalawma asewe 7 novembre, e lekkol élémentaire Amadou Diagne Wore e Dakar. Ndee kawrital eɓɓaama e gollondiral e ONE Academy, ngam semmbinde hoolaare sukaaɓe e mbaawka maɓɓe sosde geɗe kese e waylude renndo maɓɓe.
Golle art ɗe artis oo waɗi e janngooɓe
Boubou, mo anndiraa e nataade natalji tawa ɗi ngoni e hoore les, e huutoraade geɗe ɗe yimɓe kuutortoo kala ñalawma, hollii janngooɓe e jannginooɓe mbaawka mum e fannu art.
Ndee golle laatinii golle renndiniiɗe nde sukaaɓe noddaa ngam ɓe waɗa maande juuɗe maɓɓe e dow natal ngal winndiraa : « Ɗee juuɗe maa mbaylu aduna ».
Artis oo naatnii maandeji juuɗe ɗee e natal mum, ngam hollude wonde kala sukaajo ena waawi wallude e mahgol janngo moƴƴo.
Ndee performance siirtinaama kadi e direct e YouTube, Facebook, Instagram e TikTok.
Semmbinde mbaawka sosde e njeydi sukaaɓe
Ndee golle ena jeyaa e porogaraam ONE Academy, plateforme ONE Campaign nde hokkata formationaji caahu e sertifikaa ngam sukaaɓe Afrik ɓe duuɓi 18 haa 35, ɓurɗum e leadership, plaidoyer e mobilisatioŋ renndo.
E miijo Serah Makka, directrice exécutive ONE Campaign e Afrik, ena sokla sukaaɓe keɓde ganndal e kuutorɗe ɗe mbaawi wallude ɓe ngam timminde faandaaji maɓɓe.
E bannge mum, Boubou yiɗii hokkitde sukaaɓe ɓatakuru hoolaare, tawa o siftinii wonde miijooji e mbaawka maɓɓe ena mbaawi wallude e waylude aduna.
Fouta TV - L'information au service des citoyens.
