
JOJ Dakar 2026 : Janngooɓe atletɓe Senegaal 104 keɓii ballal ngam jokkude janngugol maɓɓe
Ministère de l'Éducation nationale ena semmbina wallugol mum e sukaaɓe atletɓe Senegaal ɓe njeyii e Jeux olympiques de la jeunesse (JOJ) Dakar 2026. E njahdu mum e Village olympique, ministre Moustapha Mamba Guirassy hawrii e janngooɓe atletɓe 104, tee o hokkii ɓe ordinatërji portables, wondude e humpitinde feereji ngam ɓe mbaawa jokkude janngugol maɓɓe.
Ordinatërji e toppitaade janngugol rewde e soklaaji
Ndee eɓɓoore ena faandii wallude sukaaɓe atletɓe ngam ɓe mbaawa jokkondinde golle sport e janngugol maɓɓe, hay so entraînementaji, njahduuji e compétitionaji ena ngadda caɗeele.
Ngam newnude janngugol maɓɓe, ministère oo ena eɓɓa suɓde jannginooɓe référents e waɗde porogaraamji rattrapage scolaire ɗi njahdata e soklaaji kala janngoowo.
Janngooɓe ɓee maa mbaaw kadi huutoraade plateformeji numerik janngugol ɗi ministère jogii, ngam heɓde jannginooje e jokkude jokkondiral maɓɓe e jannginooɓe.
Heblaade janngo sukaaɓe atletɓe
E ndee kawrital, Moustapha Mamba Guirassy tabitinii nafoore janngugol e heblaade atletɓe ɓe njogii mbaawka mawka e sport.
E miijo ministère oo, foolaaji sport poti yahdude e toppitaade janngugol, ngam sukaaɓe mbaawa jokkude jangde e heblaade golle maɓɓe e janngo.
E ndee ballal, hooreeɓe laamu ena yiɗi semmbinde sport-études, ngam njeydi sukaaɓe e compétitionaji internasional mawɗi hoto haɗ ɓe heɓde moƴƴugol e janngugol maɓɓe.
Fouta TV - L'information au service des citoyens.





