JOJ Dakar 2026 : Khady Niang laaɓtinii ko waɗi Youssou Ndour araani e sirla udditgol joowe
Ŋakkere Youssou Ndour e sirla udditgol Jeux olympiques de la jeunesse (JOJ) Dakar 2026, nde waɗaa ñalawma asewe 31 octobre e stade Abdoulaye Wade e Diamniadio, umminii naamne keewɗe. Khady Niang, directrice des cérémonies, tabitinii wonde heblooɓe sirla ndee noddinoo artis Senegaal mo anndaa oo ngam naatde e mum.
Youssou Ndour suɓii accude nokku mum e sirla ndee
E ko Khady Niang holli, ekip nde toppitii heblaade sirla ndee hawrinoo e Youssou Ndour ngam hollude mo no spectacle oo eɓɓiraa e ɗaɓɓude yo o naat e mum.
O wi'i : « Ngam laaɓtinde haala, min mbaɗanii Youssou Ndour ɗaɓɓitaande, kono o wi'i wonde o ɓurii yiɗde accude nokku e spectacle oo ngam o waɗee no moƴƴiri. »
Directrice oo ɓeydii kadi miijo mum, tawa o wi'i : « Ina waawi wonde o miijii so o arii, yimɓe maa ɓur ƴeewde mo, haa ɗum ustina darnde spectacle oo. »
Kono, ndee sikkitaare ko miijo Khady Niang tan, wonaa haala nde Youssou Ndour hollii e hoore mum.
Sirla nde darajinii taariki e aadaaji Senegaal
Khady Niang siftinii kadi wonde sirla udditgol ndee heblaanoo ngam hollude anndaangal Senegaal e jawdi aadaaji mum.
Rewde e taariki ndi filliraa e laawol taalo, heblooɓe yiɗnoo hollude yimɓe ɓe njooɗii e stade e ɓe ƴeewtata e telewisioŋ taariki Senegaal, aadaaji mum e ceertugol kultuurji leydi.
Fouta TV - L'information au service des citoyens.
