Podor : Aminata Sy ubbama e Ngaolé, wuro mum ngartunoo, e nder ɓerɗe naawɗe

Teddungal sakkitiingal e wuro mum

Ɓandu suka debbo oo yahdinaama e Ngaolé, ɗo yimɓe keewɓe renndinoo ngam tawde janaaza mum e ubbagol mum.

Aminata Sy wonnoo jannginoowo e kalaas Terminale e lycée El Hadji Baba Ndiongue e Podor. O janngatnoo kadi e duɗal Alquraan.

Maayde mum mettii no feewi e musiɓɓe mum, janngondirɓe mum e yimɓe nokkuure.

Baaba mum ɗaɓɓitii laaɓal e dow maayde mum

Hade ubbagol mum, Mamadou Sy, baaba Aminata Sy, noddinoo hooreeɓe sara'a ngam ɓe laaɓtina no ɓiɗɗo mum maayiri.

E sahaa nde ƴeewtagol ena jokka, musiɓɓe mum ena ɗamini yo goonga yiytee, ɓe njogii jaabawol e ndee maayde anndee, tee yo sara'a waɗee.

Aminata Sy ena fowii jooni e wuro mum Ngaolé. Alla yurmo mo, yaafo mo, naatno mo aljanna, tee hokku musiɓɓe mum muñal e semmbe ngam muñde ndee tampere mawnde. Aamiin.

Fouta TV - L'information au service des citoyens.