JOJ Dakar 2026 : Senegaal heɓii medaayaji bronze ɗiɗi e beach handball
Senegaal timminii compétitionaji beach handball e Jeux olympiques de la jeunesse (JOJ) Dakar 2026 e medaayaji bronze ɗiɗi. Ñalawma juma 13 novembre e Saly, ekipaji rewɓe e worɓe Senegaal foolii Farayse e Hongrie e haɓreji ɗaɓɓude nokku tataɓo, tee ɓe addanii leydi ndii medaayaji ɗiɗi kesi.
Lionnes foolii Farayse ngam heɓde bronze
Caggal jaalaade e demi-finale e yeeso Espaañ, rewɓe Senegaal artii e semmbe ngam foolde Farayse (2-1) e haɓre ɗaɓɓude nokku tataɓo.
Lionnes foolii manche aranol (23-16), hade ɓe jaalaade e ɗiɗaɓol (20-25). Haɓre ndee timmirii e tirs à six mètres, ɗo Senegaal fooliri 10-8.
Ndee foolaare waɗii ekip rewɓe Senegaal timminii compétition mum e podium olympique.
Lions foolii Hongrie caggal haɓre tiiɗnde
Caggal ɗum, ekip worɓe Senegaal waɗii ko nanndi e yeeso Hongrie, e Saly Plage Ouest.
Senegaal foolii manche aranol (20-18), kono Hongrie artii e haɓre caggal foolde manche ɗiɗaɓol (22-16).
Medaay bronze oo ñaawaama e tirs à six mètres, ɗo Lions fooliri 9-6, tee ɓe keɓii foolaare e manche ɗiɗi e dow gootol.
E ɗee medaayaji bronze ɗiɗi, beach handball Senegaal timminii njeydi mum e JOJ Dakar 2026 e foolaare moƴƴere, tawa ekipaji ɗiɗi ɗii keɓii nokku e podium e yeeso yimɓe Senegaal.
Fouta TV - L'information au service des citoyens.
