JOJ Dakar 2026 - Basketball 3×3 : Senegaal fuɗɗii e jaalangal yeeso Algérie (16-13)
Ekip worɓe Senegaal e basketball 3×3 fuɗɗii Jeux olympiques de la jeunesse (JOJ) Dakar 2026 e jaalangal yeeso Algérie (16-13), ñalawma juma 6 novembre. Ndee jaalangal aranɗingal hokkii Lionceaux hoolaare ngam jokkude compétition e groupe D.
Lionceaux jaalii Algérie
E match maɓɓe aranɗo, sukaaɓe basketball Senegaal kollii mbaawka e semmbe yeeso ekip Algérie ngal yantidii no tiiɗiri.
Papa Mamadou Cissé wonii ɓurɗo heɓde pointji e ekip Senegaal, tawa o heɓii pointji 6. Frédéric Clovice Mané heɓii pointji 5, Sacoura Diop pointji 3 e Ibrahima Ndiaye pointji 2.
E ɗo Algérie, Abdelkarim Yahiaoui heɓii pointji 5, kono ɗum heɗaani ekip mum jaalude Senegaal.
Lituanie woni adversaire garoowo
Caggal ndee jaalangal, Lionceaux maa yantidu e Lituanie e match maɓɓe ɗiɗaɓo groupe D, ñalawma juma 6 novembre e saa'i 17 h 15.
Faandaare ko tabitinde fuɗɗorde moƴƴere ndee e semmbinde fartaŋkeji maɓɓe ngam heɓde qualification e quarts de finale.
Ko ekipji ɗiɗi aranooji e kala groupe tan njahata e ndee fannu compétition, nde eɓɓaa waɗeede ñalawma 8 novembre.
Fouta TV - L'information au service des citoyens.
