Assemblée nationale : Depiteeɓe 109 yeddii loi de finances rectificative 2026
Assemblée nationale yeddii ñalawma talaata 3 novembre 2026 projet de loi de finances rectificative (LFR) mo gouvernement addi. Jaɓugol question préalable nde depitee Amadou Ba ummini dartinii ƴeewtagol ɗerewol ngol, tawa hay jeewte e dow ko ngol foti waɗde waɗaaka.
Depiteeɓe ɓurɓe heewde cuɓii dartinde ƴeewtagol
E depiteeɓe 165 ɓe njeyaa e Assemblée nationale, 132 naatii e cuɓagol ngol, ɗoon e 17 ɓe cuɓiri procuration.
E ɗum fof, depiteeɓe 109 cuɓii ngam jaɓde question préalable, tawa 20 yeddii nde, e 3 ɓe njogiima.
Jaɓugol ndee laawol parlementaire addii dartugol jeewte e jaawngol, e yeddagol projet de loi oo, tawa ko woni e nder mum ƴeewtaaka.
Yeddagol kesol ngam gouvernement
Ndee cuɓaande waɗii caggal yeddagol ɗerewol ngol laabi ɗiɗi e Commission des Finances et du Contrôle budgétaire.
Hay so gouvernement jeewtinoo e depiteeɓe, tee o laaɓtinoo faandaaji mum e dow budget, nanondiral heɓaaka hade séance plénière.
Loi de finances rectificative eɓɓiranoo ngam wallude gouvernement waylude limooje ceede ɗe laamu ɗaminata heɓde e ɗe o eɓɓii huutoraade e hitaande 2026.
Yeddagol ngol udditii jooni naamne e dow feereji budget ɗi gouvernement waawi waɗde ngam jaabaade soklaaji finans leydi Senegaal.
Fouta TV - L'information au service des citoyens.
